Tags-Dushman

girne vaalā hai kisī dushman pe kyā tīr-e-shahāb
āsmāñ tak jā ke kyuuñ āh-e-rasā ulTī phirī

kuchh samajh kar us mah-e-ḳhūbī se kī thī dostī
ye na samjhe the ki dushman āsmāñ ho jā.egā

dushman kī ham ko koī zarūrat nahīñ paḌī
kīna-ba-sīna phirte haiñ saare hamāre dost

jiine detī hai kise pyaar kī sūrat kāfir
dost to dost hai dushman bhī fidā hotā hai

saare aalam se karūñ maiñ tark rasm-e-dostī
mujh se hove ai mire dushman agar tū āshnā

inheñ mat chheḌiye in ko to ḳhvāhish hai singhāsan kī
faqat ye jaan liije ye hai aadat mulk-dushman kī

vo havā kā jhoñkā bhī merā saḳht dushman hai
shāḳh se jo patte ko zor se girātā hai

avval avval thiiñ rāheñ baḌī pur-ḳhatar kaun thā juz ġham-e-dil sharīk-e-safar
phir jo paḌne lagī manziloñ par nazar dost dushman sabhī yaar bante ga.e

ye raat yuuñ hī to dushman nahīñ hamārī ki ham
darāzi-e-shab-e-ġham ke sabab se vāqif haiñ

kamān sauñp ke dushman ko apne lashkar kī
kahā ki fat.h-o-zafar baat hai muqaddar kī

har-chand junūn-e-ishq hotā hai ḳhirad-dushman
ai 'mus.hafī' is par bhī dānā.ī hai aur maiñ huuñ

har-chand 'dāġh' ek hī ayyār hai magar
dushman bhī to chhaTe hue saare jahāñ ke haiñ

mohabbat se jo pesh aa.e koī ho dost yā dushman
hameñ to har kisī kā banda-e-be-dām ho jaanā

dushman kā hausla kabhī itnā qavī na thā
mere tabāh hone meñ terā bhī daḳhl hai

mahfil meñ sabhī dost nahīñ aate haiñ
dushman bhī koī dost-numā aa.egā

hai dil meñ agar us se mohabbat kā irāda
le lījiye dushman ke liye ham se vafā qarz

kaleja chāhiye dushman se dushmanī ke liye
jo be-amal hai vo badla kisī se kyā legā

be-hunarī ko hunar kare ye ahl-e-hunar kā dushman hai
charḳh-e-kaj-raftār hai āḳhir 'tābish' ham bhī ḳhayāl kareñ

apnā dushman hai ye jahāñ saarā
kitnī tāqat hamāre pyaar meñ hai

isī se ho ga.e mānūs tā.irān-e-chaman
vo jo ki baaġh kā dushman hai bāġhbāñ kam hai