Tags-Dushman

kuchh āzādī ke matvāle, jaañ kaf pe liye maidāñ meñ ga.e
har-sū dushman kā narġha thaa, kuchh bach nikle, kuchh khet rahe

marg-e-dushman kī aarzū hī sahī
dil se nikle kisī tarah to ġhubār

falak ne jab kiyā hamla mirī shāḳh-e-nasheman par
jo dushman sāmne aa.e vo apne ham-nashīñ nikle

chhoḌ kar jab vo gayā tab saare dushman ho ga.e
phir hameñ rusvā kiyā thā mil ke sab ne nāravā

dushman se milte julte haiñ ḳhātir se dostī
kyā fā.eda jo dost ko dushman banā.eñ ham

baḌī dushman tirī ġhaflat hai har-dam
ki tujh ko maut se ġhāfil kare hai

tū ne chhoḌā hai saath jab se nadīm
haa.e dushman mirā zamāna huā

kiyā hai qat.a rishta sub.ha-o-zunnār kā ham ne
ki shaiḳh apnā muḳhālif hai to dushman barhaman apnā

dushman ko jab paas se dekhā
dost ko bhī pahchān ga.e ham

adū-e-dīn-o-īmāñ dushman-e-amn-o-amāñ nikle
tire paikāñ baḌe jābir baḌe nā-mehrbāñ nikle

haqīqat ko jo dekhā ik na.ī duniyā nazar aa.ī
sitam goyā karam thā dushman-e-jāñ pāsbāñ nikle

jahāñ ik dūsre ko ham sadā dushman samajhte haiñ
siyāsat ne hamesha ham ko us paale meñ rakkhā hai

sabza bālā-e-zaqan dushman hai ḳhalqullāh kā
rah-ravoñ kī maut hai ḳhas-posh honā chaah kā

savāl hī na thā dushman kī fath-yābī kā
hamārī saf meñ munāfiq agar nahīñ aate

phuul se bachchoñ ke shānoñ pe the bhārī baste
ham ne schōl ko dushman kī nazar se dekhā

hai abhī tak to faqat sikva-e-dushman ai dost
kahīñ paidā na ho kuchh aur shikāyat dil meñ

mujh meñ rahtā hai koī dushman-e-jānī merā
ḳhud se tanhā.ī meñ milte hue Dar lagtā hai

kis ko maiñ duut kahūñ kis ko maiñ dushman jānūñ
sabhī apne haiñ yahāñ koī parāyā bhī nahīñ

husn kī rusvā.ī kā baa.is
ishq vafā tahzīb ke dushman

jaan ke dushman hamdardī kī
bātoñ ko dohrāte bhī haiñ