Tags-Dushman

dushman-e-jāñ hī sahī dost samajhtā huuñ use
bad-duā jis kī mujhe ban ke duā lagtī hai

haañ dast-e-ehtiyāt meñ ḳhanjar hai kyā kareñ
dushman hamārī zaat ke andar hai kyā kareñ

ġhunchoñ kā fareb-e-husn tauba kāñToñ se nibāh chāhtā huuñ
dhoke diye haiñ dostoñ ne dushman kī panāh chāhtā huuñ

maiñ duur gard-e-arz-e-rusūm-e-niyāz huuñ
dushman samajh vale nigah-e-āshnā na maañg

vo merā dost thā ab dushman-e-jāñ ban gayā hai jab
maiñ us ko dekh kar apnā nishāna bhuul jaatā huuñ

na jaane kitnī hī lahreñ baneñgī dushman-e-jāñ
maiñ ret par tirī tasvīr phir banā rahā huuñ

dushman hai huā jaanī bārish bhī hai tezābī
jaltā huā ghar le kar jā.ūñ to kahāñ jā.ūñ

vo dushman hī sahī yaaro hamārā
par us kī jo adā thī kyā adā thī

dushman ne merī raah meñ kāñTe bichhā diye
aur maiñ uThā to phuul hī botā chalā gayā

ḳhizāñ kī zad pe thā dushman kī bhī nigāh meñ thā
vo sāya-dār shajar jo hamārī raah meñ thā

maiñ ki ek mehnat-kash maiñ ki tīrgī-dushman
sub.h-e-nau ibārat hai mere muskurāne se

'safī' aañsū bhī dushman ban ga.e haiñ dekh le āḳhir
na in ko zabt karte tum bahā dete to achchhā thā

dostoñ ne ye gul khilāyā thā
haath dushman se jā milāyā thā

roke jaate haiñ rah-e-dost ke chalne vaale
vahī dushman hai jo hamdard hai dīvāne kā

kaun hotā hai sharīk-e-safar-e-tanhā.ī
merā saaya hī mirā dushman-e-jānī niklā

ye kaafī hai ki ham dushman nahīñ haiñ
vafā-dārī kā da.avā kyuuñ kareñ ham

vo aalam hai ab yaaro aġhyār kaise
hamīñ apne dushman hue jā rahe haiñ

bantī nahīñ dil se 'shāz' apnī ye dost hai yā dushman koī
ham haiñ ki musalsal hañste haiñ vo hai ki musalsal rotā hai

jab jānte tāsīr ki dushman bhī vahāñ se
apnī tarah ai gardish-e-ayyām nikaltā

bazm-e-dushman meñ na jī se utrā
pūchhnā kyā tirī zebā.ī kā