Tags-Dushman

ik dushman-e-īmāñ se ho ummīd-e-vafā kyā
kab dasht meñ dīvār kā saayā nazar aayā

is kā dushman dushman-e-amn-o-amāñ
prem kā andāz hai urdu zabāñ

yād-e-ḳhudā hī ka.aba-e-dil meñ basā.iye
ab ek but bhī dushman-e-īmāñ nahīñ rahā

dushman ke ghar se chal ke dikhā do judā judā
ye bāñkpan kī chaal ye nāz-o-adā kī hai

us ko pahuñchī ḳhabar ki jiitā huuñ
kisī dushman setī sunā hogā

ajal se baḌh ke muhāfiz nahīñ koī apnā
ḳhudā kī shaan ki dushman nigāh-bāñ niklā

tū 'ādarsh' apnā banā le ḳhudā ko
to dushman bhī terā taraf-dār hogā

jo nañg-e-ḳhalā.iq the jo dushman the vatan ke
sīnoñ pe sajā.e hue e.azāz vahī the

dostī kar dilā na in se ki haiñ
dushman-e-jāñ ye sīm-bar sab ke

suḳhan ko aap ke ai hazrat-e-dil kis tarah mānūñ
kisī ko e.atibār aatā nahīñ hai qaul-e-dushman par

har ghaḌī kā saath dukh detā hai jān-e-man mujhe
har koī kahne lagā tanhā.ī kā dushman mujhe

nāmūs kā to fikr hai 'mātam' abas yahāñ
ye ishq ḳhasm naam kā dushman hai nañg kā

ye log vahī haiñ jo kal tak tanzīm-e-chaman ke dushman the
ab aaj hamāre muñh par ye dastūr kī bāteñ karte haiñ

umr bhar kaun nibhātā hai ta.alluq itnā
ai mirī jaan ke dushman tujhe allāh rakkhe

apne fiqroñ se hoshyār ki fiqara akasr
dushman ke hāthoñ kā neza ho jaatā hai

ai zan-e-nāpāk fitrat-e-paikar-e-makr-o-riyā
dushman-e-mehr-o-vafā ġhārat-gar-e-sharm-o-hayā

haiñ jaal to yāroñ ne bichhā.e bhī par ab ke
dushman kī chalī chaal meñ aa.eñ chalo aao

jis ne dushman samajh liyā hai hameñ
us se milnā visāl hai ab bhī

chāhte haiñ jise dushman kī navāsī niklī
ab to ham ishq adhūrā bhī nahīñ kar sakte

rulā kar mujh ko poñchhe ashk-e-dushman
rahā dhabbā ye un kī āstīñ par