Tags-Dushman

bas ek ḳhauf thā zinda tirī judā.ī kā
mirā vo āḳhirī dushman bhī aaj maarā gayā

dushman-e-jāñ hī sahī saath to ik umr kā hai
dil se ab dard kī ruḳhsat nahīñ dekhī jaatī

jo tū ne kī so dushman bhī nahīñ dushman se kartā hai
ġhalat thā jānte the tujh ko jo ham mehrbāñ apnā

fuzūñ kī dostoñ ne hirs-e-qātil zauq-e-kushtan meñ
ho.e haiñ baḳhiya-hā-e-zaḳhm jauhar teġh-e-dushman meñ

chalo dushman ko siine se lagā leñ
kahāñ is shahr meñ apnā milegā

vo naala falak se Takrāyā vo 'ārzū' ik taarā TuuTā
dushman kī taraf jo lapkā thā sho.ala vo mujhī par aa ke girā

vo thā dushman mirā haarā to bahut zaḳhmī thā
maiñ ne hī us ke liye shāḳh-e-hinā māñgī thī

shikva-e-zulm-o-jaur kis se kareñ
aadmī aadmī kā dushman hai

vo marī jaan kā dushman ki sar-e-nahr-e-visāl
sab ko sairāb kiyā bas mujhe pyāsā rakkhā

lafzoñ ko apne asl ma.ānī se aar hai
ab dostoñ ko dushman-e-jānī likhā karo

mujh ko dushman ke irādoñ pe bhī pyaar aatā hai
tirī ulfat ne mohabbat mirī aadat kar dī

koī dushman koī hamdam bhī nahīñ saath apne
tū nahīñ hai to do-ālam bhī nahīñ saath apne

nahīñ kuchh dil kā phirnā ahd-e-dushman se tirā phirnā
magar kuchh soch kar āḳhir muravvat aa hī jaatī hai

mirā dushman mire ash.ār sun kar
na jaane aaj kyuuñ royā bahut hai

vo ḳhūgar nāla-e-dushman kā ho jaa.e
na suntā ho jo harf-e-dāstāñ tak

jo badle dost kā bhes us ko dushman kis tarah jānoñ
gayā hazrat kalīm-ullāh kā naqqāl jannat meñ

tohmat lagā ke maañ pe jo dushman se daad le
aise suḳhan-farosh ko mar jaanā chāhiye

namāz-e-shaiḳh ho itmām kyūñkar sarqa dushman hai
ki TuuTe hai vuzū har baar jab khāte haiñ ah ah kar

maiñ tumhārī jaan kā dushman
anā ke hush-papī juute pahan kar

sab ko dost banāoge
sab ko dushman pāoge