Tags-Dushmani

dushmanī rasm-e-jahāñ hai dostī harf-e-ġhalat
aadmī tanhā khaḌā hai zālimoñ ke sāmne

dushmanī ke liye maḳhsūs hai jo tarz-e-amal
dostī meñ hai vo mumkin mujhe ma.alūm na thā

kund āḳhir kar ga.iiñ talvār ko ḳhūñ-reziyāñ
dostī ko dushmanī kī intihā kah lījiye

dostī kā raaz ifshā kar ga.ī
dushmanī bhī ik baḌā kirdār hai

ḳhvāb se dil-lagī na kar lenā
niiñd se dushmanī na kar lenā

husn ko kyā dushmanī hai ishq ko kyā bair hai
apne hī qadmoñ kī ḳhud hī Thokareñ khātā huuñ maiñ

dostī apnī jagah aur dushmanī apnī jagah
farz ke anjām dene kī ḳhushī apnī jagah

are nādān tujh ko kaash ye ma.alūm ho jaatā
ki terī dushmanī hī merī vaj.h-e-dostī hogī

zamāna biit gayā shahr-e-dushmanī chhoḌe
mirā shumār abhī tak muhājirīn meñ hai

dahr meñ 'sālik' ye phailā hai nifāq
dostī bhī dushmanī kī baat hai

dushmanī is zamīn kī dekho
gumbad-e-qabr-e-dostāñ TuuTe

ab imtiyāz-e-dushmanī-o-dostī kise
hālāt ho ga.e haiñ ajab apne shahr meñ

ham ko bhī dushmanī se tire kaam kuchh nahīñ
tujh ko agar hamāre nahīñ pyaar se ġharaz

ādāb-e-dostī se to vāqif kabhī na the
tahzīb-e-dushmanī se bhī nā-āshnā rahe

ye hasad jahāñ kī nazar meñ hai ġham-e-'dānā' un ke jigar meñ hai
hai sabhī ko pyaar se dushmanī tire gaañv meñ mire shahr meñ

tumheñ to dushmanoñ kī dushmanī ne maar Daalā hai
mujhe dekho maiñ apne dostoñ se zaḳhm khātā huuñ

yahāñ to dostī nibhe na dushmanī
zamīñ hai jis kī āsmāñ usī kā hai

dostī aur dushmanī ke naam se
qaid huuñ kis kis ke andar ai ḳhudā

na kar paa.e dushman bhī jo dushmanī meñ
kiyā hai rafīqoñ ne vo dostī meñ

mujhe jo dostī hai us ko dushmanī mujh se
na iḳhtiyār hai us kā na merā chārā hai