Collections

Lab Shayari

Motivational Ghazals

Best Khamoshi Shayari

More Collections

Tags-Aankh

maiñ us ke jism kī bekal pukār sun bhī chukā
ab us kī aañkh meñ rakkhā hai kyā fusūñ ke sivā

mila na kaam koi umr-bhar junun ke siwa

bas ga.e haiñ aañkh meñ manzar pas-e-manzar sarāb
ham kahāñ tak apne ḳhvāboñ kī nigahbānī kareñ

raat ka tarik-tar patthar jigar pani karen

tire laboñ ko milī hai shaguftagī gul kī
hamārī aañkh ke hisse meñ jharne aa.e haiñ

tere labon ko mili hai shaguftagi gul ki

kab talak aañkh na kholegā zamāne kā zamīr
zulm aur jabr kī ye riit chalegī kab tak

log aurat ko faqat jism samajh lete hain

dil se hai aañkh tak aa.ī asar-e-garmī-e-shauq
ashk hasrat se nigah ābla-pā aatī hai

dil se har-dam hamein aawaz-e-buka aati hai

terī merī aañkh kī miTTī hamesha nam rahe
ho abad se bhī pare ruḳhsat kā pul phailā huā

zat ki diwar bichon-bich ek dar wa hua

ab mujhe thoḌī sī ġhaflat se bhī Dar lagtā hai
aañkh lagtī hai ki dīvār se sar lagtā hai

ab mujhe thoDi si ghaflat se bhi Dar lagta hai

do parinde uḌe aañkh nam ho ga.ī
aaj samjhā ki maiñ tujh ko bhūlā nahīñ

kya hua husn hai ham-safar ya nahin

sahl ho jā.egī mushkil zabt soz o saaz kī
ḳhūn-e-dil ko aañkh se jis roz bahnā aa gayā

aarzu ko ruh mein gham ban ke rahna aa gaya

kisī ḳhayāl ne shab ko jo aañkh kholī hai
dukhoñ kī os meñ dil ne navā bhigo lī hai

abhi shuur ne bas dukhti rag TaToli hai

kabhī is apne tasavvur pe aañkh bhī bhar aa.ī
qazā ke dosh pe jaise baqā kī Dolī hai

abhi shuur ne bas dukhti rag TaToli hai

dekhā jise bismil kyā taakā jise maarā
us aañkh se Dariye jo ḳhudā se na Dare aañkh

dekha jise bismil kya taka jise mara

kabhī hameñ bhī milāo to aise logoñ se
ki jin kī aañkh meñ ab tak charāġh jalte haiñ

laga ho dil to KHayalat kab badalte hain

chashm-e-jānāñ meñ samāte haiñ samāne vaale
maut se aañkh laḌānā koī āsāñ na huā

hausla wajh-e-tapish-ha-e-dil-o-jaan na hua

biphrā.ī biphrā.ī maujeñ kosoñ duur kinārā sā
uupar bādal nīche jal-thal aañkh tale añdhiyārā sā

biphrai biphrai maujen koson dur kinara sa

sahar kī aañkh se aañsū Tapak na jaa.eñ 'na.īm'
ye soch kar na bayāñ raat kā fasāna kiyā

saba-o-gul ko mah-o-najm ko diwana kiya

ḳhūb-sūrat aañkh ko ik jhiil samjhā thā magar
tairne utrā to sāgar kī sī gahrā.ī milī

garm-joshi ke nagar mein sard-tanhai mili

ḳhvābīda baḳht ne vahīñ bedār kar diyā
tere ḳhayāl meñ jo ye aañkh ik zarā lagī

us shoala-ru se jab se meri aankh ja lagi

us sho.ala-rū se jab se mirī aañkh jā lagī
kyā jaane tab se siine meñ kyā aag aa lagī

us shoala-ru se jab se meri aankh ja lagi

muuñd luuñ aañkh to be-kār hai sab rañg-e-jahāñ
kyā mirī chashm-e-ināyat ke sivā bhī kuchh hai

aasman ishq ki azmat ke siwa bhi kuchh hai