Tags-Aankh

phir āsmān kā manzar jalā huā dekhā
kisī kī aañkh parakh tak nahīñ ga.ī hogī

hādsoñ kī na aañkh khul jaa.e
hasrat-e-sogvār chup ho jā

shāhid rahiyo tū ai shab-e-hijr
jhapkī nahīñ aañkh 'mus.hafī' kī

tāb-e-nazzāra aañkh ko bhī nahīñ
dil bhī kab apne iḳhtiyār meñ hai

yā aa ke ruk ga.ī hai ḳhat-e-tīrgī pe aañkh
hai raushnī to TuuTī huī darmiyāñ se hai

vaqt-e-iz.hār-e-vafā mahfil meñ us kī jis se aañkh
mil ga.ī to bas vo sab bāteñ usī par Dhāliyāñ

niiñd bhī tere binā ab to sazā lagtī hai
chauñk paḌtā huuñ agar aañkh zarā lagtī hai

kaun thā tū ki phir na dekhā tujhe
miT gayā ḳhvāb aañkh malte hī

tirī ḳhashmagīñ aañkh kī gardishoñ ne zamāne ko zer-o-zabar kar diyā hai
sahāroñ pe koī bharosa kare kyā sahāre to ḳhud DhūñDte haiñ sahāre

aañkh kī mez pe rakkhā hai mirā ḳhvāb-e-safar
aur bistar pe shikan Daal ke soyā huuñ maiñ

vatan ko chhoḌ kar hargiz na jaanā
muhājir aañkh meñ chubhtā bahut hai

jaane kyuuñ dil ko be-qarārī hai
jaane kyuuñ aaj aañkh pur-nam hai

chalo vo aañkh meñ paanī to de gayā varna
ye saañs andhe kueñ meñ sadā sī lagtī thī

ḳhanjar hai tū lahrā ke mire dil meñ utar jā
hai aañkh kī ḳhvāhish ki shafaq chāhiye mujh ko

aañkh rakkhī huī hai aahaT par
rāsta kaan ko lagāyā huā

tham ga.e ashk mire aañkh se Dhalte Dhalte
rah ga.e chashm-e-sadaf se guhar aate aate

ik baar aur bach ke zamāne kī aañkh se
huuñ dekhne kī chiiz to bār-e-digar bhī dekh

kabhī ḳhvāboñ kī tarah aañkh ke parde meñ raho
kabhī ḳhvāhish kī tarah dil meñ bulā leñ tum ko

hai vāqi.a kuchh aur hī 'kāshif' pas-e-hijāb
jo aañkh dekhtī hai vo manzar fareb hai

aañkh kī tasvīr sar-nāme pe khīñchī hai ki tā
tujh pe khul jaave ki is ko hasrat-e-dīdār hai