Tags-Aankh

is se pahle ki kahānī se kahānī nikle
aa mire dil meñ utar aañkh se paanī nikle

laḌā.ī kis ne hai aañkh uupar nigāh us kī hai misl-e-ḳhanjar
maiñ dekhtā huuñ ki chashm-e-aḳhtar falak ke uupar jhapak rahī hai

kyuuñ kar chubhe na aañkh meñ gul ḳhaar kī tarah
bhaa.ī hai dil ko ek trahdār kī tarah

hai kuchh na kuchh vahāñ bhī asar dard-e-ishq kā
aañkh un kī bhī hai is dil-e-bīmār kī tarah

niiñd kī kaa.ī se bojhal hai har ik aañkh magar
sañg ke ḳhauf se shīshe kā nagar jaage hai

aañkh khul jaatī hai chauñk uThte haiñ sone vaale
vo dabe paañv jo turbat se guzar jaate haiñ

sub.h aañkh khultī hai ek din nikaltā hai
phir ye ek din barsoñ saath saath chaltā hai

raat ghanerī ghor ghaTā.eñ sāvan sī barsāt 'alī'
yaad kā panchhī vaqt-e-āḳhir aañkh meñ paanī tū aur maiñ

merī chamaktī aañkh meñ log
terī sūrat dekheñge

terī aañkh jhapakne meñ
lākhoñ tūfāñ uTTheñge

Dhaltā sūraj aañkh kā reza ho jaatā hai
jhūTe ḳhvāboñ kā āmeza ho jaatā hai

kahne ko to hai dīda-e-nargis meñ bhī jaadū
har aañkh meñ tasvīr-e-tamannā to nahīñ hai

hamāre hausle ko dekh kar ye kahte ho
zabān band rahe aañkh meñ namī na rahe

jab us ko ġhaur se dekhā to aañkh bhar aa.ī
samajh rahā thā maiñ duniyā hasīñ banā.ī ga.ī

rañgoñ kā tasavvur bhī uḌā aañkh se ab to
is shahr meñ ab kaise guzārā kare koī

ab dil kī tamannā hai to ai kaash yahī ho
aañsū kī jagah aañkh se hasrat nikal aa.e

god suunī ho chalī hai aañkh kī
ab to koī ḳhvāb palnā chāhiye

duur rah kar vatan kī fazā se jab bhī ahbāb kī yaad aa.ī
hijr meñ rah gayā dil taḌap kar aañkh fart-e-alam se bhar aa.ī

kisī manzar-e-shafaq ko kahāñ aañkh meñ jagah duuñ
mire ḳhūn-e-dil se rañgīñ mirī shaam hai zyāda

tirī aañkh meñ jo 'shāhīñ' labālab bharā huā hai
kisī ik taraf se ḳhālī vahīñ jaam hai zyāda