Tags-Ehsaan

be-niyāzī suuñ terī jāñ-ba-lab aayā hai mujhe
chhoḌ kar taur-e-jafā kuchh rah-e-ehsān meñ aa

āzād kiye qaid siiñ tasbīh kī us kuuñ
hai gardan-e-zunnār pe ehsān hamārā

saath dene kā to ehsān hai mujh par lekin
sham.a ne naam Duboyā mirī tanhā.ī kā

jalne na diyā ātish-e-ġham se jigar-o-dil
kyā kyā kahūñ ehsān maiñ is dīda-e-nam kā

ye bhī ehsān hai qanā.at kā
apnī aTkī nahīñ kisī se ġharaz

tire ehsān ke gun gā.egā josh-e-vafā-koshī
dakan vāloñ kī fitrat meñ nahīñ ehsāñ-frāmoshī

ham pe ehsān hai baḌā us kā
ham ko zebā nahīñ gila us kā

baḌā ehsān hogā mere dil kā ḳhuun kar Daalo
yahī majbūr kartā hai yahī majbūr hotā hai

raheñge hashr tak mamnūn-e-ehsān-e-dil-āzārī
ḳhulūs-e-ishq par ye qīmtī in.aam kyā kahiye

nazar fazā hai jahāñ hai jalva tumhārā ehsān sab pe hogā
uThāo aariz se tum jo parda to ghaT na jā.egī tāb-e-āriz

kyā aise se daavā ho mahshar meñ ki maiñ ne to
nazzāra-e-qātil ko ehsān-e-ajal jaanā

gudāz ishq se ma.amūr kar diyā mujh ko
muhāl hai tire ehsān se adā honā

ehsānmand chāhe hamārā na ho koī
par ham gire to saarā zamāna sambhal gayā

un ke kūche meñ ġhubār apnā uḌā kar le jaa.e
mujh pe ehsān kare mere bhī kaam aa.e havā

us kā ehsān ki us ke dil ne
fāsla ham se sadā rakkhā hai

itnā ehsān to kartī hai 'razā' mujh pe hayāt
TuuT jā.ūñ to bikharne nahīñ detī mujh ko

lene vaale to sabhī kuchh le ga.e
aap bhī ehsān thoḌā kījiye

der kyā hai aa mire dil meñ samā jā barq-e-nāz
shikva-sanjī fitrat-e-ehsān meñ dāḳhil nahīñ

kyā huā aage uThā.e gar 'zafar' ehsān-e-aql
aur agar ab minnat-e-tadbīr phir khīñchī to kyā

ham aur rasm-e-bandagī āshuftagī uftādgī
ehsān hai kyā kyā tirā ai husn-e-be-parvā tirā