Tags-Ehsaas

'qatīl' us dam bhī rahtā hai yahī ehsās-e-mahrūmī
jab un shānoñ pe zulfoñ kī ghaTā chhā.ī bhī hotī hai

dekhiye sochiye mahsūs to hone diije
dard kī dhuup meñ ehsās kī lazzat le kar

dard kī dhūp-bhare dil kī tamāzat le kar
kaise jaa.e koī ehsās kī hijrat le kar

ġham-e-paiham ne kabhī fursat-e-ehsās na dī
kyā javānī thī ki jī-bhar ke maiñ ro bhī na sakā

aao ham hañste uTheñ bazm-e-dil-āzārāñ se
kaun ehsās ko bīmār banā kar uTThe

kisī ne bhī use dekhā nahīñ hai
vo ik ehsās hai chehra nahīñ hai

maiñ nauhagarī tak bhuul gayā mire log jale mire shahr luTe
is shahr-e-ma.īshat ne mujh se ehsās kā dariyā chhīn liyā

thoḌī sī aur zaḳhm ko gahrā.ī mil ga.ī
thoḌā sā aur dard kā ehsās ghaT gayā

koī ḳhayāl koī yaad koī to ehsās
milā de aaj zarā aa ke ham ko ḳhud ham se

gulābī ehsās ke bahte hue ḳhushk
aur lagtā hai jaise

aksar shab-e-visāl tire rūThne ke baad
ehsās par tilism-e-ramaq der tak rahā

kuchh to ehsās-e-ziyāñ thā pahle
dil kā ye haal kahāñ thā pahle

na jaane kaun sā ehsās us ko bhāyā hai
hujūm-e-shahr meñ laayā hai bekasoñ kī baat

yūñhī ehsās-e-nadāmt to nahīñ un ko 'hasan'
apne hāthoñ se hī ghar apnā jalā.e hoñge

lab pe pābandī to hai ehsās par pahrā to hai
phir bhī ahl-e-dil ko ahvāl-e-bashar kahnā to hai

koī ehsās jab kāñdhā chhue to
ḳhushī se agle hī pal ro paḌī hai

ehsās-e-alam aur pās-e-hayā us vaqt kā aañsū sahbā hai
us chashm-e-hasīñ ko kyā kahiye jab pī na sakī chhalkā hī ga.ī

dil dhaḌaktā hai to pahroñ nahīñ sone detā
niiñd aatī hai to ehsās jagā detā hai

rūh-e-ehsās hai tahī-dāman
dil hai yā hasratoñ kā ik madfan

'farhat-ehsās' taġhazzul se sharābor huā
raat āġhosh meñ kuchh yuuñ ye ġhazal aa.ī mirī