Tags-Ehsaas

sisaktā chīḳhtā ehsās thā mire andar
kabhī to jhāñk ke vo dekhtā mire andar

ehsās kā banda huuñ maiñ iḳhlās kā shaidā
hargiz nahīñ hirs-o-havas zar mire andar

mire ehsās meñ ye aag bharī hai kis ne
raqs kartā hai mirī ruuh meñ shola kaisā

jis se ehsās kī sadiyāñ guzrīñ
thā judā.ī kā vo ik pal kaisā

mere ehsās kī vaadī meñ shafaq sī jhalkī
mujh ko doshīza-e-fitrat ne pukārā to nahīñ

tire ehsās meñ Duubā huā maiñ
kabhī sahrā kabhī dariyā huā maiñ

ba.ad muddat ke use dekhā to ehsās huā
har dabī choT ubhar aatī hai purvā.ī meñ

'farhat-ehsās' usī jahl se kar phir se rujūa
tere haq meñ yahī behtar hai hama-dānī se

'farhat-ehsās' ne dekhā hai falak par kahīñ ik ḳhitta-e-ḳhvāb
bech Daalī hai tamām arz-e-badan us ne sunā jaatā hai

un kā apnā bhī jo jā.egā binā batlā.e
tab is ehsās ko samjhegā zamāna shāyad

rishtoñ kā ehsās lahū ke andar rachtā-bastā thā
kab aisī nafsā-nafsī aur mārā-mārī hotī thī

ik zamāne se to bas 'iqbāl' apnī zindagī
dard kā bistar huī ehsās kī chādar huī

us ke jaane pe ye ehsās huā hai 'shāhid'
vo jazīra thā mirā dukh se bhare paanī meñ

hamāre ahd kā har zehn to nahīñ jāmid
kisī darīcha-e-ehsās se guzar jaanā

mere alfāz meñ jo rañg hai vo us kā hai
mere ehsās meñ jo hai vo fazā us kī hai

ye tabassum to hai chehroñ kī sajāT ke liye
varna ehsās vo dozaḳh hai ki jalte rahiye

al-muḳhtasar tumhārī mahak oḌhte hue
ehsās ho gayā ki use phailnā bhī hai

kal tire ehsās kī bārish tale
merā sūnā-pan nahāyā der tak

ehsās-e-shikast-o-kāmrānī
ā.īne ka.ī dikhā rahā hai

tumhāre jaane ke ehsās ne jo baḳhshā hai
vo zaḳhm taaza abhī hai zarā Thahar jaao