Tags-Ehsaas

ehsās bhare dil meñ ik pyaar kā sāgar hai
jo sab se chhupāyā thā vo tujh pe ujāgar hai

ash.ār ke phūloñ se ladī shāḳh-e-tamannā
miTTī mire ehsās kī zarḳhez bahut hai

nafrat kā ehsās huā
jab jab shīsha dekhā hai

ġhubār-e-ehsās-o-pesh-o-pas kī agar ye bārīk tah haTā.eñ
to ek pal meñ na jaane kitne zamānoñ ke aks thartharā.eñ

apne ehsās kī kasauTī par
ham bhī puure kahāñ utarte haiñ

khiḌkī ko khol kar to kisī roz jhāñk lo
ḳhālī hai āj-kal mire ehsās kā makān

baar baar rauñdā gayā ehsās
kuchlā gayā jazba

jahāñ se maañg mire naam par hayāt kī bhiik
tū merā kāsa-e-ehsās dar-ba-dar le jā

rañg-e-pairāhan-e-ehsās thī tū
maiñ nigāh-e-talab-e-tishna thā

tire ehsās se lipTī rahūñ ḳhushbū kī tarah
raat kī raanī banūñ aur khulī jā.ūñ piyā

'farhat-ehsās' nayā chāhiye us ko har raat
magar afsos ki us sā koī paidā nahīñ hai

TuuT jā.egī dīvār jitnī bhī mazbūt ho
us ke ehsās kī dhuup bhī sā.ebānī nahīñ

āgahī karb vafā sabr tamannā ehsās
mere hī siine meñ utre haiñ ye ḳhanjar saare

pechīdgī-e-fikr meñ kyā ḳhuub phañsāyā
ehsās ke shānoñ se hī suljhā.e ga.e log

dil-e-fasurda meñ ehsās hī nahīñ baaqī
jahān-e-kohna meñ varna shaguftagī hai vahī

har samt bhare shahr the kyā jāniye phir bhī
tanhā.ī ke ehsās ne khāyā mujhe din-bhar

karte kahīñ ehsās ke phūloñ kī numā.ish
ḳhvāboñ se nikalte koī vijdān banāte

dil meñ jo ye ehsās kī koñpal sī khulī hai
tā-der 'nadīm' us kī masarrat meñ rahūñgā

band kamre meñ balā-e-jāñ hai ehsās-e-sukūt
aur bāhar har taraf āvāz kā patthar lage

jin meñ tanvīr-e-ehsās jaagī na ho
zehn aise khañDar hī to kahlā.eñge