Collections

Lab Shayari

Motivational Ghazals

Best Khamoshi Shayari

More Collections

Tags-Eid

ajab thī eid-e-ḳhumistāñ ajab thā rañg-e-nashāt
kisī ne bāda-o-sāġhar kisī ne ashk piye

jashn-e-eid

vahī din hai hamārī iid kā din
jo tirī yaad meñ guzartā hai

gila ai dil abhi se karta hai

tasbīh le ke haath meñ zāhid ne sub.h kī
yaañ 'tāj' ham ne iid manā.ī tamām-rāt

ye kya tumhaare ji mein samai tamam-raat

nikle haiñ ghar se dekhne ko log māh-e-īd
aur dekhte haiñ abrū-e-ḳhamdār kī taraf

nikle hain ghar se dekhne ko log mah-e-id

gardūñ pe mah-e-nau phir dikhlā.ī diyā 'māhir'
phir īd-e-mubārak kī har-sū se sadā aa.ī

masti-e-do-alam ek markaz pe simaT aai

ka.ī fāqoñ meñ iid aa.ī hai
aaj tū ho to jaan ham-āġhosh

teri maKHmur chashm ai mai-nosh

iid kā din hai gale mil liije
iḳhtilāfāt haTā kar rakhiye

aag sinon mein jala kar rakhiye

iid hai aur sāqī-e-nau-ḳhez maiḳhāne meñ hai
aaj piine kā maza pī kar bahak jaane meñ hai

id hai aur saqi-e-nau-KHez maiKHane mein hai

jab Dūbne kā vaqt ho jī uubne kā vaqt
us kī ho yaar iid samundar se kyā ba.iid

pani nahin mazid mayassar se kya baid

ham kabhī eid manāte the manāne kī tarah
ab to bas vaqt guzartā hai to ho jaatī hai

eid

kitnī mastāna sī thī eid mire bachpan kī
ab ḳhayāloñ meñ bhī laatā huuñ to kho jaatī hai

eid

gaañv meñ eid phirā kartī thī galiyāñ galiyāñ
aur is shahar meñ thak kar yūñhī so jaatī hai

eid

ham baḌe hote ga.e eid kā bachpan na gayā
ye to bachchoñ kī hai bachchoñ hī kī ho jaatī hai

eid

āshiq-e-jāñ fidā-e-abrū hai
jo mah-e-īd sar-ba-zānū hai

bagh-e-ulfat mein gul jo KHud-raw hai

divālī iid meñ aksar khilaune bechtā hai ab
ye vo bachcha hai jis ne apnī ḳhvāhish ko dabā rakkhā

tumhaari yaad ko humne palak par yun saja rakkha

Unpublished Ghazal

چشم گریاں بسمل شوق بہار دید ہے

ye jo tum eid pe bhī aate nahīñ lauT ke ghar
koī chhuTTī kā nahīñ hotā bahāna tum ko

kya sunaun dil-e-muztar ka fasana tumko

rahnā pal pal dhyān meñ
milnā iid ke iid meñ

rahna pal pal dhyan mein

mirī ḳhālī kalā.ī kah rahī hai iid kī shab ko
vo ab tak chūḌiyāñ le kar na jaane kyuuñ nahīñ aayā

mujhe wo kaifiyat apni batane kyun nahin aaya

qatl kī sun ke ḳhabar iid manā.ī maiñ ne
aaj jis se mujhe milnā thā gale mil aayā

minnaton se bhi na wo hur-shamail aaya