Tags-Eid

iid ke roz ham phaTī chādar
pichhlī saf meñ bichhā ke baiTh ga.e

ek chhabelī na.ī-navelī eid chalī aa.ī hai
kitnī ḳhushiyāñ kitne naġhme dāman meñ laa.ī hai

phir ye huā ki vaqt ne manzar chhupā liye
īd-e-tasavvurāt ziyāda nahīñ rahī

falak par ik chāñd iid kā roz dekhne ko kahāñ se lā.ūñ
nazar kī sar-mastiyāñ na pūchho kahīñ sar-e-bām hī milegī

kisī iid par yā basant par vo milegā umr ke ant par
maiñ ye sochtā huuñ ki ye bhī koī bahāna ho kahīñ yuuñ na ho

iid kā din to hai magar 'ja.afar'
maiñ akele to hañs nahīñ saktā

kal ġhair ke dhoke meñ vo iid mile ham se
kholī bhī to dushman ne taqdīr-e-ham-āġhoshī

lekin mujhe yaqīñ hai tire āsmān par
utregī chāñd raat mirī iid ke liye

chheḌā hai ek naġhma-e-shīrīñ bhī kū-ba-kū
dil ne hilāl-e-īd kī tā.īd ke liye

itne meñ aur charḳh ne miTTī palīd kī
bachche ne muskurā ke ḳhabar dī jo iid kī

kahte haiñ eid hai aaj apnī bhī eid hotī
ham ko agar mayassar jānāñ kī diid hotī

ik jhalak terī jo paa.ī hogī
chāñd ne iid manā.ī hogī

kahte haiñ iid hai aaj apnī bhī iid hotī
ham ko agar mayassar jānāñ kī diid hotī

taqrīb par bhī to tū pahlū tahī kare hai
das baar iid aa.ī kab kab gale milā tū

kyūñki ham ḳhuun na ro.eñ shab-e-īd
yaar mashġhūl-e-hinā-bandī hai

sājhe tyauhār haiñ holī ho ki īd-e-qurbāñ
zindagī kitnī dil-āvez-o-dil-ārā hai yahāñ

yārab hazār saal salāmat raheñ huzūr
ho roz jashn-e-īd yahāñ jāvedāñ basant

luTī har-gām par ummīd apnī
moharram ban ga.ī har iid apnī

hotī thī sub.h-e-īd mirī sub.h par nisār
khātī thī shām-e-aish mirī shaam kī qasam

biite lamhe kashīd kartī huuñ
is tarah jashn-e-īd kartī huuñ