Tags-Aansoo

mere lahū kī gūñjtī fariyād par na jā
āñkhoñ meñ apnī tairte aañsū bhī dekh le

hañsne meñ jo aañsū aate haiñ nairañg-e-jahāñ batlāte haiñ
har roz janāze jaate haiñ har roz barāteñ hotī haiñ

ġham meñ Duubī huī ġhazloñ ke jo aañsū poñchhe
aisā koī to zamāne meñ suḳhnavar aa.e

maiñ ne ek sāhil se ek siipī uThā.ī
aur apne aañsū ko us meñ band kar ke

gar abr ghirā huā khaḌā hai
aañsū bhī tulā huā khaḌā hai

tash.hīr-e-junūñ kahiye yā zauq-e-suḳhan 'haqqī'
arzāñ haiñ mire aañsū rusvā haiñ mirī aa.heñ

kyā ruup badalte haiñ tasvīr meñ Dhalte haiñ
āñkhoñ meñ ruke aañsū siine meñ dabī aa.heñ

jis ke baġhair jī nahīñ sakte the jā chukā
par dil se dard aañkh se aañsū kahāñ gayā

nahīñ milte 'shu.ūr' aañsū bahāte
nazar aate haiñ hañste-muskurāte

zindagī jin kī rifāqat pe bahut nāzāñ thī
un se bichhḌī to koī aañkh meñ aañsū bhī nahīñ

bajā.e dil ik talḳh aañsū rahegā
agar un kī mahfil meñ aayā gayā dil

'ḳhālid' mire jazbāt kī shiddat meñ kamī thī
aañsū bhī mirī āñkhoñ kī had se nikal aa.e

apne aañsū sambhāl kar rakhnā
ik samundar kabhī banā.eñge

rasā hoñ yā na hoñ naale ye nāloñ kā muqaddar hai
'hafīz' aañsū bahā kar jī to halkā kar liyā maiñ ne

haiñ kis ke ta.alluq se mirī aañkh meñ aañsū
muTThī meñ sadaf kī ye guhar kis ke liye hai

palkoñ pe ruk gayā hai aa kar jo ek aañsū
ye qatra baḌhte baḌhte tūfān ho na jaa.e

abhī to mere armāñ ḳhuun ke aañsū bahāte haiñ
kabhī to dil ke un zaḳhmoñ ko rāhat aa hī jā.egī

sitāroñ se shab-e-ġham kā to dāman jagmagā uThThā
magar aañsū bahā kar hijr ke māroñ ne kyā paayā

takmīl-e-mohabbat kartā huuñ kuchh garmī se kuchh narmī se
aaheñ bhī bhartā jaatā huuñ aañsū bhī bahātā jaatā huuñ

nahīñ bujhtī hai pyaas aañsū siiñ lekin
kareñ kyā ab to yaañ paanī yahī hai