Tags-Aansoo

zabt aañsū jab kiye to uchhlā chehre par lahū
ġham kī maujeñ rokne se rāsta paidā kareñ

is se pahle kabhī poñchhe the kisī ne aañsū
un kā dāman tujhe ai dīda-e-tar kaisā lagā

tire aañsū meñ soz-e-dil thā yā sho.ala thā shabnam meñ
zabāñ ko hūr-o-ġhilmāñ ne tirī kausar se dhoyā thā

vo nuur ho aañsū ho ki ḳhvāboñ kī dhanak ho
jo kuchh bhī in āñkhoñ meñ ikaTThā huā tū hai

jāñ-fishānī se bahut ham ne jaḌe haiñ aañsū
māthar-e-hind tire taaj meñ hīroñ kī tarah

kyuuñ falak majbūr hoñ aañsū bahāne ke liye
añkhḌiyāñ hoñ jo diloñ meñ Duub jaane ke liye

chūḌiyoñ ke saaz meñ ye soz hai kaisā bharā
aañkh meñ aañsū banī jaatī hai jis kī har sadā

ehsās-e-alam aur pās-e-hayā us vaqt kā aañsū sahbā hai
us chashm-e-hasīñ ko kyā kahiye jab pī na sakī chhalkā hī ga.ī

ḳhud-rav paude aañsū ke
phuul khilegā jañgal meñ

shāḳh par pañkhuḌiyāñ hoñ ki palak par aañsū
tere dāman kī jhalak dekh ke saare nikle

ai sa.ī-e-zabt logoñ ko kyā duuñ subūt-e-ġham
Dar se hañsī ke maiñ ne to aañsū bhī pī liye

ab naam kyā batā.ūñ ki ġham kis kā hai 'sabā'
āñkheñ mirī zarūr haiñ aañsū parā.e haiñ

raheñge ravāñ merī āñkhoñ se aañsū
sitāre yūñhī jhilmilāte raheñge

is sadā meñ harf haiñ yā mom ke aañsū haiñ jo
sham.a ke pahlū meñ girte jā rahe haiñ kyā karūñ

jigar jale to na girne de aañkh se aañsū
ba-az-sharāb ye ḳhūñ-nāba-e-kabāb tū pī

bikhartā jaatā huuñ jaise tasbīh ke hoñ daane
jab us ke aañsū qatār-andar-qatār dekhūñ

abr kī sūrat baraste haiñ buland-o-past par
ham nahīñ aañsū bahāte lag ke dīvāroñ ke saath

aañkh se aañsū Tapkā hogā
sub.h kā taarā TuuTā hogā

mirī palkoñ pe tābinda
tirī āñkhoñ ke aañsū

asīr-e-dard ho kar jī rahā huuñ
ki ab aañsū nahīñ ḳhuuñ pī rahā huuñ