Tags-Aansoo

ise aañsū na kah ik yād-e-ayyām-e-guzishta hai
mirī umr-e-ravāñ ko umr-e-rafta kā salām aayā

barf kā ik ik aañsū pī kar
dariyā vajd meñ aa jaatā hai

aañkh se nikle pa aañsū kā ḳhudā hāfiz 'yaqīñ'
ghar se jo bāhar gayā laḌkā so abtar ho gayā

dilbaroñ ke naqsh-e-pā meñ hai sadaf kā sā asar
jo mirā aañsū girā us meñ so gauhar ho gayā

matā-e-ishq vo aañsū jo dil meñ Duub ga.e
zamīñ kā rizq jo aañsū nikal hī aate haiñ

huzūr-e-yār bhī aañsū nikal hī aate haiñ
kuchh iḳhtilāf ke pahlū nikal hī aate haiñ

kis kī āñkhoñ meñ aa.e haiñ aañsū
ruḳh badalne lagā zamāne kā

har harf pe do aañsū Tapak paḌte haiñ ai vaa.e
ḳhat yaar ko likhnā hameñ dushvār huā hai

kyā kahiye us ke rū-ba-rū aañsū nikal paḌe
ham ne to zabt-e-ġham kā irāda kiyā bahut

aur ab na aañkh na aañsū na dhaḌkaneñ dil meñ
tumhī kaho ki ye dariyā kabhī utarte the

aur umDe haiñ aañkh meñ aañsū
jab kabhī us ne dil-dahī kī hai

shub.h hai tum ko kahāñ TuuTe haiñ taare raat ko
dam-ba-dam aañsū Tapakte the hamāre raat ko

maiñ jāntā huuñ kuchh aise udaas logoñ ko
jo qahqahoñ meñ bhī aañsū talāsh lete haiñ

vahshat pe mirī āhūoñ ke bahte haiñ aañsū
hairat pe mirī rote haiñ haivān-e-bayābāñ

shikva nahīñ kiyā maiñ ne
aañsū poñchh liyā maiñ ne

āñkhoñ meñ jitne aañsū the ḳhushk hue
qaht hai ab ke dariyā dariyā paanī kā

dekhā ḳhuun to āñkhoñ se aañsū nikle
joḌ gayā donoñ ko rishta paanī kā

āshob-e-mohabbat kā aañsū rakhtā hai talavvun fitrat meñ
āñkhoñ meñ rahe to qatra hai Tapke to samundar ho jaa.e

azhdahā pāniyoñ kā shahr-e-navā TuuT gayā
mātamī aañkh meñ aañsū mire be-āb bhī the

mire aañsū jo tum jharne se bah jaao
samundar tak pahuñch jā.ūñ isī se