Tags-Aansoo

mātam kī mazmūm ghaḌī jab aa pahuñchī
kuchh aañsū ā.īne kuchh aurāq hue

āñkhoñ ko nahīñ raas kisī yaad kā aañsū
tham tham ke Dhalak jaa.e hai kyā jāniye kyā ho

aañsū huuñ hañs rahā huuñ shagūfoñ ke darmiyāñ
shabnam huuñ jal rahā huuñ sharāroñ ke shahr meñ

sham.oñ kī laveñ haiñ yā zabāneñ
aañsū haiñ ki ehtijāj-e-paiham

jo dil meñ tamannā thā jo āñkhoñ meñ sharar thā
ab bhī hai us aañsū ke Tapakne kī sadā yaad

diye the kaalī ghaTā ko ham ne udhār aañsū
kise kaheñ ab ki saarī pūñjī Dubo ga.ī hai

'nadīm' aañkh meñ aañsū hai saare aalam kā
vatan hamārā jo hindostāñ huā to kyā

ka.ī aañsū mirī palkoñ se TuuTe be-zabānī meñ
magar maiñ ne kabhī jab bhī zabāñ kholī ġhazal kah dī

shabnam ke aañsū phuul par ye to vahī qissa huā
āñkheñ mirī bhīgī huī chehra tirā utrā huā

kuchh aañsū apne pyaar kī pahchān ban ga.e
kuchh āñsuoñ ne pyaar ko bad-nām kar diyā

tumhārā ḳhauf-e-rusvā.ī hai bejā
kahāñ girnā hai aañsū jāntā hai

aañsū mire to mere hī dāman meñ aa.e the
ākāsh kaise itne sitāroñ se bhar gayā

bujhī bujhī hai sadā-e-naġhma kahīñ kahīñ haiñ rabāb raushan
Thahar Thahar ke gire haiñ aañsū bikhar bikhar ke haiñ ḳhvāb raushan

ma.asūm sī āñkhoñ se ik buuñd hī Tapkī thī
bādal umaD aa.e haiñ aañsū ke ta.āqub meñ

hai to ḳhurshīd-e-haqīqat par baḌā be-mehr hai
dil se jazbe aañkh se aañsū churā le jā.egā

kyā din the jab chhup chhup kar tum paas hamāre aate the
kāñpte the badnāmī ke Dar se aañsū pī pī jaate the

har choT kā hāsil haiñ bilakte hue aañsū
ye dard ye ġham qismat-e-insāñ to nahīñ hai

aa.eñ aañsū agar āñkhoñ meñ to bas pī jaa.eñ
haal sab pūchhte haiñ ham na kahīñ bhī jaa.eñ

har ik mausam meñ aañsū ug rahe haiñ
baḌī zarḳhez haiñ āñkheñ hamārī

dil ke lahū se kitne aañsū
chamkā chamkā kar chhalkā.e