Tags-Aansoo

shahr vāloñ ne inheñ abr-e-karam samjhā naaz
apne aañsū jo havāoñ meñ uchhāle maiñ ne

be-samjhe-būjhe mohabbat kī ik kāfir ne īmān liyā
ab aaTh aaTh aañsū rote haiñ kyuuñ dil kā kahnā maan liyā

aañsū paanī hai par is se
shahr jalāyā jā saktā hai

tum se kyā tum bhes badal kar baiTh raho hañsmukh chehroñ meñ
maiñ āñkhoñ meñ aañsū bhar kar sahrā sahrā ban ban DhūñDūñ

rok leñge mujhe tire aañsū
aise paanī pe kyā chaleñge ham

tū jo patthar hai to phir palkoñ pe aañsū kaise
tū samundar hai to phir aag meñ jaltā kyuuñ hai

nazar bachā ke jo aañsū kiye the maiñ ne paak
ḳhabar na thī yahī dhabbe baneñge dāman ke

buḳhl dekho to merī turbat par
ek aañsū bhī vo girā na sakā

ek aañsū yaad kā Tapkā to dariyā ban gayā
zindagī bhar mujh meñ ek tūfān sā paltā rahā

dil to patthar ban gayā thā mom kis ne kar diyā
muddatoñ ba.ad aaj kyuuñ āñkhoñ meñ aañsū aa ga.e

bas yahī soch ke karne lage hijrat aañsū
apnī lāshoñ ke muqābil yahāñ kāñdhā kam hai

aaj kyuuñ āñkhoñ meñ pahle se nahīñ haiñ aañsū
aaj kyā baat hai kyuuñ mauj meñ dariyā kam hai

terī āñkhoñ meñ aañsū bhī dekhe haiñ
tere hāthoñ meñ dekhā hai ḳhanjar bhī

ye pahle soch leñ ā.ankhoñ meñ lahrāte hue aañsū
ki vo phir uTh bhī sakte haiñ jo gir jaa.eñ nigāhoñ se

ham hañs kar hī rah jaate haiñ
aañsū aa kar ruk jaate haiñ

ye aur baat ki aañsū bahā nahīñ sakte
bichhaḌ ke tujh se magar muskurā nahīñ sakte

itne aañsū to na the dīda-e-tar ke aage
ab to paanī hī bharā rahtā hai ghar ke aage

zarā der tere jo tham jaa.eñ aañsū
rahe haath meñ koī dam aur kāġhaz

jis ke liye bachcha royā thā aur poñchhe the aañsū baabā ne
vo bachcha ab bhī zinda hai vo mahñgā khilaunā TuuT gayā