Tags-Aansoo

tere ruḳhsār se jab jab hai guzarte aañsū
jism-o-jāñ meñ mere jaise hai utarte aañsū

un kī yaad meñ bahte aañsū ḳhushk agar ho jā.eñge
saat samundar apnī ḳhālī ā.ankhoñ meñ bhar lā.ūñgā

dekho hamārā sabr ki ham ne nahīñ piye
aañsū hamāre paas paḌe the furāt bhar

dard dab jaa.e kisī taur na aañsū aa.e
jazba-e-dil pe batā kis tarah qaabū aa.e

bahut royā huuñ maiñ jab se ye maiñ ne ḳhvāb dekhā hai
ki aap aañsū bahāte sāmne dushman ke baiThe haiñ

maiñ tere zulm dikhātā huuñ apnā mātam karne ke liye
mirī āñkhoñ meñ aañsū aa.e tirī āñkheñ nam karne ke liye

aañsū jo baheñ surḳh to ho jaatī haiñ āñkheñ
dil aisā sulagtā hai dhuāñ tak nahīñ aatā

apnī palkoñ par sajā kar mere aañsū aap ne
rāste kī dhuul ko āñkhoñ kā kājal kar diyā

sameTe us ke aañsū apne āñchal meñ to jaane kyuuñ
mujhe aisā lagā kuchh gauhar-e-nāyāb uThā laa.ī

vo shāḳheñ bahā.eñ na kyuuñ ḳhuuñ ke aañsū
hare patte jin se judā ho ga.e haiñ

koī aañsū tere dāman par girā kar
buuñd ko motī banānā chāhtā huuñ

ḳhud tum ne āġhāz kiyā thā jis kā ek tabassum se
mahrūmī ke aañsū ban kar ḳhatm pe vo afsāna hai

jab bhī mire aañsū bahte haiñ aur terā dāman jaltā hai
dekh ke apnā husn-e-ta.alluq har ahl-e-gulshan jaltā hai

koī nahīñ ġham-ḳhvār jahāñ meñ 'yād' hamārī tanhā.ī kā
apne hī aañsū bahte haiñ apnā hī dāman jaltā hai

fasl-e-bahārāñ aa jaane se kam na huā ġham ahl-e-chaman kā
shabnam ke aañsū bahte haiñ gul kā pairāhan jaltā hai

kisī ke dil se ab jazbāt kā rishta nahīñ qaa.em
hañsī bhī maslahat-āmez aañsū bhī siyāsī hai

hotī hai shaam aañkh se aañsū ravāñ hue
ye vaqt qaidiyoñ kī rihā.ī kā vaqt hai

bhare hue chashm-e-tar meñ aañsū jigar meñ bhaḌkī huī tap-e-ġham
ye aag hai aur ye hai paanī ye aag paanī hai aur ham haiñ

bahā lo apne shahīdoñ kī qabr par aañsū
magar ye hukm hai katbe shumār mat karnā

palkoñ pe larazte hue taare se ye aañsū
ai husn-e-pashīmāñ tire qurbān ga.e ham