Tags-Aansoo

kushta-e-zabt-e-fuġhāñ naġhma-e-be-sāz-o-sadā
uf vo aañsū jo lahū ban ke Tapaktā hogā

maiñ jis kī aañkh kā aañsū thā us ne qadr na kī
bikhar gayā huuñ to ab ret se uThā.e mujhe

ho ke bāġhī aañkh se aañsū girā ruḳhsār par
sohbat-e-hijrāñ vahī dariyā huā achchhā huā

kabhī hañste hue aañsū kabhī rotī huī ḳhushiyāñ
karishma jo bhī thā saarā hamārī hī hisoñ kā thā

ai tere sabza-e-ruḳhsār kī dil-āvezī
navāh-e-chashm se aañsū guzar ke dekhte haiñ

bedardoñ ke daur meñ hai 'jumbish' ḳhūn-e-tamannā hone do
koī na koī aañsū surḳhī de degā afsāne kī

ġhamoñ ke daur meñ hañs kar jo pī ga.e aañsū
to aane vaalī masarrat ne ehtirām kiyā

ye mashvira-e-zabt bhī taslīm hai lekin
aañsū mirī āñkhoñ se nikal jaa.e to kyā ho

hañs hañs kar aañsū pī jaanā aap ke bas kī baat nahīñ
apne ghar meñ aag lagānā aap ke bas kī baat nahīñ

maiñ is liye bhī tire fan kī qadr kartā huuñ
tū jhuuT bol ke aañsū nikāl letā hai

hālāt ġham-e-dil kah na sake aur dard-e-darūñ bhī sah na sake
aañsū jo hisār-e-chashm meñ the palkoñ ke sahāre aa pahuñche

ta.ana sunñe vaalī āñkhoñ meñ
aañsū aur shikāyat

jhilmilāte hue aañsū bhī ajab hote haiñ
shām-e-furqat ke ye jugnū bhī ajab hote haiñ

jo sab ko hañsne kī talqīn kartā rahā hai
vo mere sāmne aañsū bahā rahā thā abhī

aflās ke aañsū se tūfāñ bhī larazte haiñ
sho.aloñ kā jigar goyā shabnam se dahaltā hai

zindagī uljhī hai bikhre hue gesū kī tarah
ġham piye jaate haiñ umDe hue aañsū kī tarah

milā bhī to vo ġham-e-zindagī ke kaam aayā
mire liye har ik aañsū meñ ek jaam aayā

maiñ us ke gale lagī huī thī
vo poñchh rahā thā mire aañsū

nas nas meñ lahū to terā hai
par aañsū mere apne haiñ

hañstī huī laḌkī
ek aañsū meñ rahtī hai