Tags-Faith

gar tujh ko hai yaqīn-e-ijābat duā na maañg
ya.anī baġhair-e-yak-dil-e-be-mudda.ā na maañg

yaqīn aa gayā in mehrbāñ havāoñ se
usī galī meñ mirā dast-gīr rahtā hai

vo ik nazar se mujhe be-asās kar degā
mire yaqīn ko merā qayās kar degā

tumhārā chehra-e-pur-nūr dekhtā huuñ to
yaqīn hī nahīñ aatā ki jism ḳhākī hai

māyūs ho ga.ī hai duā bhī jabīn bhī
uThne lagā hai dil se ḳhudā kā yaqīn bhī

koī milegā ye kyā ham kaheñ yaqīn ke saath
parā.e dil kī ḳhabar hai bhī aur hai bhī nahīñ

ā.īne jab yaqīn ke be-āb ho ga.e
āñkhoñ se intizār kī parteñ utar ga.iiñ

yaqīn kar o mohabbat yahī munāsib hai
ziyāda din mirī sohbat ko iḳhtiyār na kar

kuchh vahī samjhegā 'nāzish' aaj ke māhaul ko
jis ko zindāñ par yaqīn-e-gulsitāñ karnā paḌe

dil kyuuñ na ham faroḳht kareñ is yaqīn par
qīmat bhī ab milegī jo bai.āna mil gayā

yaqīn ko sīñchnā hai ḳhvāboñ ko pālnā hai
bachā hai thoḌā sā jo asāsa sambhālnā hai

use yaqīn ki vo kā.enāt meñ tanhā
mujhe ye zo.am ki merī masīl koī nahīñ

vo ajnabī thā ġhair thā kis ne kahā na thā
dil ko magar yaqīn kisī par huā na thā

usī yaqīn usī dast-o-pā kī hājat hai
imām-e-vaqt ko phir karbalā kī hājat hai

pahuñchā na thā yaqīn kī manzil pe maiñ abhī
merā ḳhayāl mujh se bhī aage nikal gayā

yaqīn kar jo tirī aarzū meñ thā pahle
vo lutf tere sivā bhī nahīñ rahā ab to

yaqīn aayā hai aaj alvāh-e-sa.ang paḌh kar
ki is nagar meñ bas ek nām-e-ḳhudā rahegā

mirī mohabbat kī dāstāñ ko gad.he kī mat sarguzisht samjho
maiñ 'kirshn-chandr' nahīñ huuñ zālim yaqīn tum ko dilā rahā huuñ

apne ḳhud-sāḳhta ḳhayāloñ kī
barf ko sho.ala-e-yaqīn pe rakh

vo aa ga.e haiñ ḳhud hī mirī zindagī meñ ab
āñkhoñ meñ is yaqīn kī jalvat banī rahe