Tags-Falak

ik dam bhī dekh saktā nahīñ ham ko us ke paas
ḳhaak us falak ke dīda-e-bad-ḳhvāh meñ paḌe

'asad' ghaTā.eñ ye tīrgī kī tabhī chhaTeñgī ki jab falak par
kisī ke māthe kā chāñd chamke kisī nazar kā shahāb TuuTe

falak kī dhun thī magar farsh par hamāre paañv
jame na the ki ḳhalā meñ bikhar ga.e ham tum

thā jis kā falak-bos fasīloñ meñ tahaffuz
vo ghar bhī mirā vaqt ke sailāb meñ Duubā

ḳhuuñ hai ik daulat-e-dil luuT hī leñ ahl-e-falak
chehra-e-dāġh-e-qamar par to nayā ġhāza kareñ

tū hī ġhālib nahīñ ik jaur-e-falak kā maarā
mere ghar aayā hai tūfān-e-balā tere ba.ad

tañg kartī hai makāñ meñ ḳhvāhish-e-sair-e-basīt
hai asar daa.im falak kā sahn kī mehrāb meñ

falak kī saañs ukhaḌne lagī to raaz khulā
ki āsmāñ ko zamīñ ne sambhāl rakkhā thā

daur-e-falak pe jab kabhī aa.ī hañsī mujhe
ālām-e-rozgār ne āvāz dī mujhe

ba-rañg-e-sabza-e-begāna rauñd Daale falak
mujhe bahār bhī aa.e to sāz-gār na ho

reza reza honā un kī qismat hai
sū-e-falak jo be-bāl-o-par jaate haiñ

kiyā habīb ko mujh se judā falak ne magar
na kar sakā mire dil se ġham-e-habīb judā

gumbad-e-gard-bād hai sar-ba-falak har ik taraf
dasht-e-junūñ meñ rah ga.ī qais kī yādgār kyā

hai terī kahkashāñ bhī mirī kahkashāñ ke paas
terā falak kahāñ hai mire āsmāñ se duur

ye zamīñ ye falak ye bahr-o-bar
ye hasīñ kā.enāt merī hai

ḳhaak meñ nā jins rahte haiñ na ahl-e-imtiyāz
ai falak bantī nahīñ jārūb ḳhas kī tīliyāñ

maiñ falak se aa.ī ḳhatā mirī use DhūñDnā hai vafā mirī
ye jafā kī jo haiñ haqīqateñ mirī aañkh ko vo dikhā piyā

aap ke āñchal meñ saj kar jī uThe
the falak par jo sitāre mustarad

mat tañg ho kare jo falak tujh ko tañg-dast
āhista khīñchiye jo dabe zer-e-sañg dast

tā-falak le ga.ī betābi-e-dil tab bole
hazrat-e-ishq ki pahlā hai ye ziinā apnā