Tags-Falak

tirī sub.h-e-aish hai kyā balā tujhe ai falak jo ho hausla
kabhī kar le aa ke muqābla ġham-e-hijr-e-yār kī shaam se

rū-kashī dekh na kar gosha-nashīnoñ se falak
har tarah se tirī ḳhātir pa.e-shāñ kījiyegā

pahuñchā falak ko faqr kā rutba huzūr-e-aish
kambal chaḌhe haiñ charḳh-e-do-shāloñ ke sāmne

sābit rahā falak mire nāloñ ke sāmne
Thahrī sipar habāb ke bhāloñ ke sāmne

kabhī kabhī jī kartā hai
duur falak tak uḌtā jā.ūñ

har ek zarre ko hañstā diyā banānā hai
falak ke chāñd-sitāroñ kī dāstāñ na kaho

ye surḳh dhāre qadīm vaqtoñ kī dāstānoñ ke surḳh-rāvī
kanār-e-āb-e-falak haiñ dastār banñe vaale naḳhīl-zāde

falak ne aah tirī rah meñ ham ko paidā kar
ba-rañg-e-sabza-e-nūrasta pā.emāl kiyā

kabhī rahā to nahīñ gardish-e-falak kā saath
kahāñ se sīkhā hai tum ne hunar satāne kā

'ātish' buland-pāya hai dargāh yaar kī
haftum falak kī rif.at isī āstāñ meñ hai

hasrat hai ham bhī kahte kisī din ye ai falak
ai dil mubārak aaj to dilbar baġhal meñ hai

koī falak kā sitam mujh se bach rahā bhī hai
janā nasīb koī mujh sā dūsrā bhī hai

uThā ke haath duā.eñ na maañg bārish kī
falak bhī ḳhushk hai terī hatheliyoñ kī tarah

'farhat-ehsās' ne dekhā hai falak par kahīñ ik ḳhitta-e-ḳhvāb
bech Daalī hai tamām arz-e-badan us ne sunā jaatā hai

añgḌā.ī lete haiñ mujh meñ saat falak
āfāqī girdāb meñ rahnā paḌtā hai

mas.ale jaise chaTāneñ rahnumā jaise havā
vaqt ne kitne falak-bosoñ ko baunā kar diyā

tilism-e-gumbad-e-gardūñ ko toḌ sakte haiñ
zujāj kī ye imārat hai sañg-e-ḳhāra nahīñ

nashsha zamīñ se sū-e-falak le uḌā mujhe
saaqī sharāb ne mirī miTTī ḳharāb kī

mastān-e-ishq aa.e ta.allī par ai falak
ab ḳhair maañg tū qadah-e-āftāb kī