Tags-Falak

mahbūs hai gumbad meñ kabūtar mirī jaañ kā
uḌne ko falak-bos fazā chāhiye mujh ko

mujhe ḳhush ḳhush jo paayā jal ke kyā jaldī huī ruḳhsat
shab-e-vasl ai falak sab kuchh sahī niyyat kī chhoTī thī

is bārgāh-e-ahmad-e-mursal ke sāmne
vaq.at nahīñ hai kuchh bhī falak se habāb kī

falak ko baar baar ahl-e-zamīñ yuuñ dekhte haiñ
ki jaise ġhaib se koī savār aane lagā hai

dekhte dekhte sab dhuñd meñ tahlīl hue
dasht kohsār falak aab nabātāt sabhī

falak ko fikr koī mehr-o-māh tak pahoñche
hameñ ye zo.am ki ham vaah vaah tak pahoñche

niiñd uḌ ga.ī girāñ hai ye shab rashk-e-māh par
bijlī na kyuuñ falak se gire merī aah par

jo dā.imī hai zamīn-o-falak ke beach 'āfāq'
hamāre darmiyāñ vo fāsla nayā nayā hai