Tags-Falak

tāmīz-e-pisar-e-zamīn va ibn-e-falak na karnā
tum aadmī ho to aadmī kī hatak na karnā

phaT paḌeñ ab hī dar-o-bām to parda rah jaa.e
falak-e-ḳhāna-ḳharāb aañkh dikhātā hai mujhe

hargiz 'baqā' na rahiyo daur-e-falak se ġhāfil
mastoñ kī nit kamīñ meñ sar-chañg-e-mohtasib hai

vo paara huuñ maiñ jo aag meñ huuñ vo barq huuñ jo sahāb meñ huuñ
zamīñ pe bhī iztirāb meñ huuñ falak pe bhī iztirāb meñ huuñ

na raaz faash kabhī hoñ zamīn vāloñ ke
falak ne chāñd sitāroñ ko rok rakkhā hai

apnī anā ke gumbad-e-be-dar meñ band hai
lekin ba-zom-e-ḳhud vo falak tak buland hai

falak se devoñ kī tarah us bin sarishk-o-āh-e-'baqā' se ab to
chaḌhe haiñ laḌne ko do risāle ba-āb-e-avval dovam-ba-ātish

sarishk-o-āh ab ye be-asar haiñ ki jā falak tak shab-e-judā.ī
dar-e-asar par ye de haiñ taale ba-āb-e-avval dovam-ba-ātish

jo āh-e-pechāñ se ashk shab ko falak pe gardish-kunāñ chaḌhegā
to gird-e-mah do paḌeñge haale ba-āb-e-avval dovam-ba-ātish

kisī sānehe ne zamīñ se falak kī taraf jaate jaate
mujhe bhī sitāroñ meñ gum kar diyā hai

zamīñ zamīñ na rahī aur falak falak na rahā
kuchh aise marhale bhī arz-e-hāl ke dekhe

falak kī samt uThā.e hue nigāheñ log
judā judā kisī ma.abūd ke gumān meñ the

sināñ kī nok pe aa jaa.e gar mirā sar bhī
falak se ūñchā mirā martaba nikal aa.e

jaḌeñ pahāḌoñ kī TuuT jātīñ falak to kyā arsh kaañp uThtā
agar maiñ dil par na rok letā tamām zor-e-shabāb terā

har samt falak-bos pahāḌoñ kī qatāreñ
'ḳhusrav' hai na 'shīrīñ' hai na tesha hai na farhād

uThī hai kaalī ghaTā falak par hai sāqī-e-māh-vash baġhal meñ
bahak bahak kar haiñ kyā maze se banā rahe bāda-ḳhvār bāteñ

falak kyā rulāyā karegā hamesha
kabhī ham bhī hoñge hañsāne ke qābil

falak se chāñdnī phir jhāñktī hai
zamīñ par tīrgī jab nāchtī hai

le uḌā nashsha ḳhayāl-e-yār kā
aa ga.iiñ ham ko falak-paimā.iyāñ

hai falak tak fasīl nār-e-jahīm
ai ḳhudā ab to abr-e-tar de de