Tags-Falak

zer-e-pā ab na zamīñ hai na falak hai sar par
sail-e-taḳhlīq bhī girdāb kā manzar niklā

nahīñ ma.alūm ki mātam hai falak par kis kā
roz kyuuñ chaak girebān-e-sahar hotā hai

tire pā zamīñ pe ruke ruke tirā sar falak pe jhukā jhukā
koī tujh se bhī hai azīm-tar yahī vahm tujh ko magar na ho

hai shām-e-hijr aaj o zālim o falak
gardish vo kar ki shaam se aa kar sahar mile

falak kī chaah meñ jhūTā yaqīñ zarūrī hai
ye maan lo ki sitārā zamīñ se niklā hai

ik umr se duniyā kā hai bas ek hī aalam
ye kyā ki falak rañg badaltā hī nahīñ hai

ham biij bo ke sū-e-falak dekhte rahe
aur dekhte hī dekhte barsāt ho ga.ī

lahū zamīñ ke shagāfoñ se be-sabab phūTā
falak kī aañkh abhī mā.il-e-gazand na thī

barq māñgī nahīñ falak tujh se
ham ne ḳhirman ko ḳhud jalāyā thā

misāl-e-mahr-o-mah din raat khāte charḳh phirte haiñ
falak ke haath se ye haal hai raushan-zamīroñ kā

hissa-e-baḳht kā maane hai yahī daur-e-falak
baḌh gayā ghuum ke rasta mire paimāne kā

vo shoḳh baam pe jab be-naqāb aa.egā
to māhtāb-e-falak ko hijāb aa.egā

haath uThātā hai duāoñ ko falak bhī us dam
jab parinda koī parvāz ko par taultā hai

TuuTā jo hamārā shīsha-e-dil
pahuñchegī falak tak us kī gul-bāñg

ye husn hai aah yā qayāmat ki ik bhabhūkā bhabhak rahā hai
falak pe sūraj bhī thartharā kar muñh us kā hairat se tak rahā hai

sau iid agar zamāne meñ laa.e falak va-lek
ghar se hamāre māh-e-muharram na jā.egā

binā-e-ishq hai bas ustuvār karne tak
falak ko chain kahāñ phir ġhubār karne tak

tire falak pe hai kyā aur bhī koī raushan
chamak rahe haiñ sitāre to ḳhāk-dān ke hī

talvār le ke uThtā hai har tālib-e-faroġh
daur-e-falak meñ haiñ ye ishāre hilāl ke

ye shahr-e-dillī bahisht-e-nazar jo thā kal tak
banā huā hai jahannam zamīñ se tā-ba-falak