Tags-Falak

falak pe thā ātishīñ daraḳhtoñ kā ek jañgal
aur un daraḳhtoñ ke biich tārīk jhoñpaḌī thī

falak mar-miToñ se na rakh ye ġhubār
miTā be-kasoñ kī na turbat abas

falak dushman muḳhālif gardish-e-ayyām hai saaqī
magar ham haiñ tirī mahfil hai daur-e-jām hai saaqī

zamīñ ke zaḳhm ko pahle rafū kiyā jaa.e
phir us ke ba.ad darīda falak siyā jaa.e

maiñ pyaas kī shiddat kā falak chuum rahī huuñ
ghistā hai jabīñ ḳhaak pe dariyā mire aage

'bayāñ' hai vo bādshāh-e-asrā ki jis kī dargāh-e-ḳhusravī meñ
diyā zamīn-e-adab ko bosa falak ne gardan jhukā jhukā kar

falak huā mehrbāñ phire din shab-e-visāl aa ga.ī to is ne
bahār-e-lutf-o-karam dikhā kar naqāb-e-sharm-o-hayā uThā kar

ye zor hirmān-o-yās kā hai asar kahāñ kā mirī fuġhāñ ko
paTak paTak ḳhaak par diyā hai falak se ūñchā uThā uThā kar

ye maiñ kahūñgā falak pe jā kar zamīñ se aayā huuñ tañg aa kar
jo ai masīhā tū hai masīhā to kuchh mire dard kī davā kar

tirā āñchal ishāre de rahā hai
falak raushan sitāre de rahā hai

is zamīñ ko falak banāne meñ
maiñ bhī shāmil thā ik zamāne meñ

piise hai us ko āsiyā-e-falak
jis ke paas ek musht bhī jau hai

na reñg mausamī kīḌoñ kī tarah pastī par
falak se bhī koī ūñchā maqām paidā kar

sar pe bār-e-falak uThā.e haiñ
go nahīf-o-nazār haiñ ham log

fatādgān-e-zamīñ kā buland kar ke alam
falak-nashīnoñ ke parcham jhukā diye ham ne

kab khulegā ki falak paar se aage kyā hai
kis ko mālūm ki dīvār se aage kyā hai

falak kā andāz kah rahā hai hamāre armāñ kā ḳhuun hogā
abhī to āġhāz-e-shab hai āḳhir sitāre kyuuñ jhilmilā rahe haiñ

lahroñ meñ badan uchhālte haiñ
aao ki falak meñ Dūbte haiñ

shab bhar ravāñ rahī gul-e-mahtāb kī mahak
pau phūTte hī ḳhushk huā chashma-e-falak

gard-e-zulmat Daalī laale par ḳhizāñ ne ai falak
chāñd ke badle gahan meñ gul hai gul meñ ḳhaak hai