Tags-Falak

falak ke is kināre kā vo lamha ham ko mil jaatā
milā thā ek hī lamha agar lamha badal lete

aatā hai dekh ke anjum ko ḳhayāl
hai falak ābla-pā kiyā baa.is

zamīñ zamīñ na rahī aur falak falak na rahā
maqām-o-vaqt bhī gardish meñ aa.e haiñ kyā kyā

vo qāfile ki falak jin ke paañv kā thā ġhubār
rah-e-hayāt se bhaTke to gard bhī na milī

falak ke tāroñ se kyā duur hogī zulmat-e-shab
jab apne ghar ke charāġhoñ se raushnī na milī

falak se taur qayāmat ke ban na paḌte the
aḳhīr ab tujhe āshob-e-rozgār kiyā

zamīñ pe bahtī huī ye āñkheñ falak pe rukte hue ye taare
sunā hai ye phuul haiñ usī ke sunā hai ye aabjū vahī hai

kaisā falak huuñ jis pe samundar savār hai
sūraj bhī mere sar pe hai maiñ kaisī raat huuñ

dil-e-ḳhilqat-e-ḳhudā ko sanamā jalā na chandāñ
ki falak ke paar pahuñche taf-e-āh-e-dard-mandāñ

apne kāñdhe pe jo har bojh uThā saktā hai
vo zamīñ-zād falak apnā banā saktā hai

din judā.ī kā diyā vasl kī shab ke badle
lene the ai falak-e-pīr ye kab ke badle

tire falak pe kahīñ merā māhtāb nahīñ
vo raushnī kā vasīla tire janāb nahīñ

falak pe barq sī lahrā rahī hai
ġham-e-hastī kā bādal chhā gayā hai

mire najm-e-ḳhvāb ke rū-ba-rū koī shai nahīñ mire Dhañg kī
ye falak hai kisht-e-ġhubār sā ye zamīñ hai paanī ke rañg kī

phuul ban kar khilo koī ḳhushbū bano kuchh mudāvā karo
kah rahī hai falak nā-rasīda duā shahr vaalo suno

falak se ghūrtī haiñ mujh ko be-shumār āñkheñ
na chain aatā hai jī ko na raat Dhaltī hai

falak-bosī kī ḳhvāhish tā.ir-e-vahshat ko thī
uḌā hai apnī miTTī darguzar kartā huā

hamāre bhīge hue dāmanoñ kī shaan to dekh
falak se aa.e malak aur gunah nichoḌ ga.e

dil ko fuġhāñ pahuñchā.e falak tak
nīchī chhat hai ūñchā ziina

aa jaa.e agar hukm falak se 'nāzim'
us hukm ko ham suneñ malak se 'nāzim'