Tags-Friendship

tarīq un kā hī sulh-e-kul hai jo be-hama bā-hama nazar haiñ
hameñ ye bartāv ne dikhāyā ki dostī meñ bhī dushmanī hai

dostoñ se dil kā rishta kaash ho kuchh is tarah
dushmanī ke saa.e meñ bhī dostī baaqī rahe

dushmanī aap kī ināyat hai
ham faqat dostī ke mujrim haiñ

ḳhudā ke vāste mauqa.a na de shikāyat kā
ki dostī kī tarah dushmanī nibhāyā kar

jafā-dost us ko kahtā hai koī koī vafā-dushman
hamāre saath to us ne nibāhī dostī achchhī

hasīnoñ se faqat sāhib-salāmat duur kī achchhī
na un kī dostī achchhī na un kī dushmanī achchhī

qafas meñ chup na hoñ to kyā karūñ ki ye qaidī
na dostī ke liye hai na dushmanī ke liye

terī ḳhātir aziiz hai varna
mujh ko dushman kī dostī se ġharaz

vahī dushman bane baiThe haiñ 'maikash'
jo dam bharte the apnī dostī kā

tumheñ yaqīn thā ham dostī nibhā leñge
hameñ gumān thā jis kā vahī huā āḳhir

aapas meñ huī jo bad-gumānī
mushkil hai nibāh dostī kā

kuchh na kuchh 'manzūr' dil se rābta rah jā.egā
us ko mujh se dostī yā dushmanī taḌpā.egī

maiñ na kahtā thā ki sho.aloñ se na karnā dostī
maiñ na kahtā thā ki ye dariyā-dilī taḌpā.egī

maiñ us kā dost huuñ achchhā yahī nahīñ kaafī
umiid aur bhī kuchh dostī se kartā hai

parde meñ dostī ke sitam kis qadar hue
maiñ kyā batā.ūñ pūchhiye ye apne jī se aap

marnā mirā ilaaj to be-shak hai soch luuñ
ye dostī se kahte haiñ yā dushmanī se aap

dostoñ ke darmiyāñ
vaj.h-e-dostī hai tū

tafhīm-e-dostī meñ baḌī bhuul ho ga.ī
phir duur se hī dost hamārā guzar gayā

umr bhar dostoñ ne mehnat kī
par hameñ dostī nahīñ aa.ī

ban ga.ī jaan par mohabbat meñ
dostī ban ke dushmanī aa.ī