Collections

Lab Shayari

Motivational Ghazals

Best Khamoshi Shayari

More Collections

Tags-Friendship

kahīñ tanhā.iyoñ ne vahshatoñ se dostī kar lī
kahīñ dil par guzishta mausamoñ ke ab bhī pahre haiñ

udasi ke jazire par ghamon ke sae gahre hain

kahiye gar rabt mudda.ī se hai
kahte haiñ dostī tujhī se hai

kahiye gar rabt muddai se hai

kuchh samajh kar us mah-e-ḳhūbī se kī thī dostī
ye na samjhe the ki dushman āsmāñ ho jā.egā

kuchh samajh kar us mah-e-KHubi se ki thi dosti

dostī 'āzar' tirī bhūlā nahīñ
dostoñ ne kyā diyā sochā nahīñ

aadmi hun dewta banna nahin

ik bheḌiyā thā dostī kī khaal meñ chhupā
is ne mire vajūd ko khāyā thā aur bas

maine usi se hath milaya tha aur bas

vo be-dil huuñ ki mujh se dostī kartā hai dushman tak
vo rahrav huuñ ki mujh ko raah batlātā hai rahzan tak

na pahunche chhuT kar kunj-e-qafas se hum nasheman tak

kisī ne haath baḌhāyā hai dostī ke liye
phir ek baar ḳhudā e'tibār de mujh ko

kisi ne hath baDhaya hai dosti ke liye

ḳhulūs-e-dil ke tajassus meñ kho.e ham 'muḳhtār'
nazar paḌī bhī to dushman pe dostī ke liye

KHayal-e-marg baDi shai hai zindagi ke liye

havā kī dostī achchhī na dushmanī achchhī
charāġh pahle na thā ab hai ham-ḳhayāl mirā

tu apne shahr-e-tarab se na puchh haal mera

'shā.ir' un kī dostī kā ab bhī dam bharte haiñ aap
Thokareñ khā kar to sunte haiñ sambhal jaate haiñ log

shair unki dosti ka ab bhi dam bharte hain aap

jab se tum ne dushmanī kī iḳhtiyār
e'tibār-e-dostī jaatā rahā

bahs mein donon ko lutf aata raha

us jān-e-dostī kā ḳhulūs-e-nihāñ na pūchh
jis kā sitam bhī ġhairat-e-sad-iltifāt hai

ab daur-e-asman hai na daur-e-hayat hai

zahr jab bhī ugloge dostī ke parde meñ
pattharoñ ke lahje meñ ham bhī gungunā.eñge

shahar ki fasilon par zaKHm jagmagaenge

vahīñ dostī hai jahāñ ishq hai
jidhar ḳhvāriyāñ haiñ udhar mastiyāñ

jawani magar is qadar mastiyan

ba-yās-e-dostī itne bhī ab na do ilzām
ki ham ḳhud apnī taraf se bhī bad-gumāñ ho jaa.eñ

wo mehrban ho to sahra bhi gulistan ho jaen

pūchhte ho aib auroñ se mire
dostī aisī bhī hotī hai bhalā

bebasi aisi bhi hoti hai bhala

dostī meñ na dushmanī meñ ham
kyā nazar ā.eñge kisī meñ ham

dosti mein na dushmani mein hum

sitam karo bhī to andāz-e-munsifī se karo
koī salīqa to unvān-e-dostī se mile

mile bhi dost to is tarz-e-be-dili se mile

rāh-e-ulfat meñ mile aise bhī dīvāne mujhe
jo ma.āl-e-dostī aa.e the samjhāne mujhe

rah-e-ulfat mein mile aise bhi diwane mujhe

tum dost ho to mujh se zarā dushmanī karo
kuchh talḳhiyāñ na hoñ to bhalā dostī hai kyā

shishe ka aadmi hun meri zindagi hai kya