Tags-Friendship

banā Daalā zamāne bhar ko dushman
faqat ik ajnabī kī dostī ne

jab haath dostī kā baḌhāyā ḳhushī ke saath
us ne mujhe qubūl kiyā ḳhush-dilī ke saath

yūñhī vābastagī nahīñ hotī
duur se dostī nahīñ hotī

hameñ da.avā nahīñ tanhā nibāhī dostī ham ne
mohabbat ko sambhālā hai kabhī tum ne kabhī ham ne

mohabbat aur ibādat meñ farq to hai naañ
so chhīn lī hai tirī dostī mohabbat ne

kisī ne haath baḌhāyā hai dostī ke liye
phir ek baar ḳhudā e'tibār de mujh ko

dushmanī vo laa.e haiñ dostī ke dāman meñ
tīrgī hai poshīda raushnī ke dāman meñ

sabhoñ se miltā huuñ begāna-e-talab ho kar
na dostī se ġharaz hai na dushmanī se mujhe

mohabbat aur ibādat meñ farq to hai naañ
so chhīn lī hai tirī dostī mohabbat ne

dostī meñ bhī hai ranjish kī kahānī ki mirī
is kahānī ko batā duuñ to batā duuñ kis ko

ab us se dostī mumkin hai merī
vo apne jism ke bāhar khaḌā hai

na samjhe koī us se dushmanī hai
mirī ik kam-suḳhan se dostī hai

ye mire yaar kī āñkhoñ meñ rahā kartī thī
pūchhiye kuchh na huī dostī mai se kaise

dushmanī ko burā na kah ai dost
dekh kyā dostī hai ġhaur se dekh

ek tum ho dushmanī bhī raas aa.ī hai jise
aur ik maiñ huuñ ki jis ko dostī Dastī rahī

mire dam pe ishq meñ hai banī tujhe va.az-o-pand kī hai paḌī
mire nāsehā tujhe bandagī tirī dostī ko salām hai

ye dushmanī hai saaqī yā dostī hai saaqī
auroñ ko jaam denā mujh ko dikhā dikhā ke

ye duniyā jahāñ aadmī kuchh nahīñ hai
vafā kuchh nahīñ dostī kuchh nahīñ hai

dostī ke rishte par jab savāl uThtā hai
dost ko mukarne meñ der kitnī lagtī hai

kabhī kabhī to tirī dostī meñ ham ai dost
ḳhud apne ālam-e-āvārgī se ghabrā.e