Collections

Lab Shayari

Motivational Ghazals

Best Khamoshi Shayari

More Collections

Tags-Friendship

dushman kī dostī kā natīja burā huā
ḳhanjar gale milā to mirā sar judā huā

parda raha ki jalwa-e-wahdat-numa hua

ajnabī ban ke to guzrā mat kar
dostī kā yuuñ tamāshā mat kar

ajnabi ban ke to guzra mat kar

zulf ke pech se na rah ġhāfil
dostī kar dilā na dushman se

gai fasl-e-bahaar gulshan se

sūraj se kare dostī ik kor basar kyā
jalve kī nahīñ tāb-e-nazar hote hue bhī

sahra mein kaDi dhup ka Dar hote hue bhi

dostī ek lafz-e-be-ma.anī
kis pe ab inhisār kaun kare

lamha lamha shumar kaun kare

dostī dushmanī ab aap nibhā.eñ to nibhā.eñ
ham ko rabt aap se aisā koī bāham bhī nahīñ

aap sultan hua kije gada hum bhi nahin

ho ga.ī apnoñ kī zāhir dushmanī achchhā huā
chhoḌ dī ham ne bhī un kī dostī achchhā huā

ho gai apnon ki zahir dushmani achchha hua

din se kuchh dostī nahīñ merī
baat maiñ raat akelī se karūñ

main teri baat chameli se karun

bhuul baiThī vo nigāh-e-nāz ahd-e-dostī
us ko bhī apnī tabī.at kā samajh baiThe the ham

kuchh ishaare the jinhen duniya samajh baiThe the hum

zarā sī baat pe nārāzgī agar hai yahī
to phir nibhegī kahāñ dostī agar hai yahī

zara si baat pe naraazgi agar hai yahi

kuchh to hai dostī ke pahlū meñ
be-sabab dushmanī nahīñ hotī

dil ko hasil KHushi nahin hoti

sahar ko khoj charāġhoñ pe inhisār na kar
havā se dostī rakh us kā e'tibār na kar

sahar ko khoj charaghon pe inhisar na kar

ye rishta dostī kā lutf se ḳhālī hai so is ko
kisī tadbīr se ab dushman-e-jānī kareñge ham

bas apni KHak par ab KHud hi sultani karenge hum

yā ilāhī mujh ko ye kyā ho gayā
dostī kā terī saudā ho gayā

ya ilahi mujhko ye kya ho gaya

yuuñ dushmanī bhī chaltī hai ab dostī ke saath
jaise añdherā rahtā hai har raushnī ke saath

duniya se kaun jata hai apni KHushi ke sath

havā kā rañg nahīñ hai magar mizāj to hai
havā se dostī karnā koī mazāq nahīñ

hawa ka rang nahin hai magar mizaj to hai

kuchh sambhal kar raho un saada mulāqātoñ meñ
dostī ishq meñ tabdīl bhī ho saktī hai

ye chamak dhul mein tahlil bhi ho sakti hai

maiñ ḳhvāboñ ke mahal kī chhat se gir ke ḳhud-kushī kar luuñ
haqīqat se agar mumkin nahīñ hai dostī merī

nikalna KHud se mumkin hai na mumkin wapsi meri

mil aise mujh se gumān ho lā-ta.alluqī kā
maiñ dostī ke liye bahut bad-shagun rahā huuñ

main aandhi mein reza reza ek phul chun raha hun

tujhe kaun jāntā thā mirī dostī se pahle
tirā husn kuchh nahīñ thā mirī shā.irī se pahle

tujhe kaun jaanta tha meri dosti se pahle