Tags-Gham

ġham-e-nākāmī-e-koshish se hālat bigḌī jaatī hai
kaleje meñ yahāñ be-āg chhāle paḌte jaate haiñ

riñd ġham hijr kā khāyā na karo
jaan ko apnī khapāyā na karo

maanā hijr kī raat hai ye par kitnī ḳhushī kī baat hai ye
ġham kī rim-rim-jhim kī hamdam bazm-e-tarab kā hissa hai

vo dil nazar se girā deñ to ġham kī baat nahīñ
ye jaam vaz.a huā hai shikastagī ke liye

ye dard-e-mohabbat ġham-e-duniyā to nahīñ hai
ab maut bhī jiine kā sahārā na rahegī

vo kuchh mere dard ko bāñTe maiñ kuchh us ke ġham le luuñ
aisā ho to kyā achchhā ho lekin aisā kaise ho

ġham-talab kab talak rahe koī
ab lahū āñkhoñ se Tapaktā hai

jalā ke dāman-e-hastī kā taar taar uThā
kabhī jo nāla-e-ġham dil se sho.ala-bār uThā

pahle se baḌhī aur ġham-e-ishq kī talḳhī
tū bhī mire dam-sāz masīhā to na niklā

maiñ ab tere sivā kis ko pukārūñ
muqaddar so gayā ġham jāgtā hai

guzar sakā na tire zabt ke hisār se jo
vo sail-e-ġham bhī mirī chashm-e-tar se guzrā thā

thā mirā ġham-ḳhvār ban kar phūlnā phalnā muhāl
kaT gayā āḳhir na terā naḳhl-e-umr ai naunihāl

vā dareġhā thā dil-e-bīmār-e-ġham ko aasrā
āb-e-teġh-e-nāz se ik din mujhe hogī shifā

ġham hare kartī hai fasl-e-ashk-bār-e-barshgāl
misl-e-qismat taar haiñ lail-o-nahār-e-barshgāl

kis liye ġham maiñ karūñ bolo to is pe dostoñ
thī ḳhabar mujh ko javānī lauT kar aanī na thī

hamāre ġham judā the
qarya-e-dil kī fazā aab o havā

ġham terā mujhe jaañ se guzarne nahīñ detā
marnā bhī agar chāhūñ to marne nahīñ detā

jaane ko jaa.e fasl-e-gul aane ko aa.e har baras
ham ġham-zadoñ ke vāste jaise chaman vaise qafas

'sahar' is jahān-e-bahār-e-ḳhizāñ meñ
ḳhushī dā.imī hai na ġham jāvedānī

aish gudāz-e-dil bhī ġham-e-āshiqī meñ thā
ik rāhat-e-latīf bhī zimn-e-mehan meñ thī