Tags-Gham

jo bhī ho ab ma.āl-e-ġham jo bhī ho ab nasīb-e-ishq
maiñ ne diye sabā diye ālam-e-shab ke ba.ad bhī

aate aate tarf mere muḌ ke phir kīdhar chale
jān-sāhab! bin tumhāre khā ke ġham ham mar chale

kis qadar ġham hai ye shāmoñ kī ḳhunuk rañgīnī
mujh ko lau se kisī chehre pe ravā karnā thā

ḳhushī kī chaah meñ kuchh ġham uThāne paḌte haiñ
guloñ kī ḳhaar nahīñ karte pāsbānī kyā

bahlā na dil na tīrgī-e-shām-e-ġham ga.ī
ye jāntā to aag lagātā na ghar ko maiñ

yahī kahtī lailī-e-soḳhta-jāñ nahīñ khātī adab se ḳhudā kī qasam
ġham-e-qais sivā mujhe ġham nahīñ kuchh usī kushta-e-nāz-o-adā kī qasam

tire kushta-e-ġham kā hai haal batar yahī kahiyo jo jaanā ho terā udhar
tujhe qāsid-e-mauj-e-nasīm-e-sahar mirī hijr kī shab kī bukā kī qasam

kaun uThā.egā ilāhī shab-e-ġham kī uftād
muñh ko aatā hai kaleja ki nikal jā.ūñgā

hijr-zada ik āshiq mahv-e-ġham akasr
maazī ke aurāq palaTtā rahtā hai

bedard mujh se sharh-e-ġham-e-zindagī na pūchh
kaafī hai is qadar ki jiye jā rahā huuñ maiñ

ab kahāñ vo pahlī sī fursateñ mayassar haiñ
saarā din safar karnā saarī raat ġham karnā

zindagī to sapnā hai kaun 'rām' apnā hai
kyā kisī ko dukh denā kyā kisī kā ġham karnā

ye risāla ishq kā hai adaq tire ġhaur karne kā hai sabaq
kabhī dekh is ko varaq varaq mirā siina ġham kī kitāb hai

fasl-e-gul ko zid hai zaḳhm dil kā harā kaise ho
chāñdnī bhī Das rahī hai ġham kī davā kaise ho

merā sar hai is zaḳhm-e-lutf se jhukā huā
us kā dil bhī ġham se mere ohda-barā kaise ho

de ke phir koī ġham jagā diije
so liye ḳhuub so liye aañsū

kyuuñ kar ho harīs-e-sitam-e-ishq kī serī
ġham rizq-e-muqaddar hai sivā ho nahīñ saktā

vo ġham-zada bante haiñ mirī na.ash pe lekin
dil-ḳhush hai ki lab nauha-sarā ho nahīñ saktā

kise ham apnā kaheñ koī ġham-gusār nahīñ
hameñ jab apne parā.e pe e'tibār nahīñ

ashk-e-ġham le ke āḳhir kidhar jaa.eñ ham āñsuoñ kī yahāñ koī qīmat nahīñ
aap hī apnā dāman baḌhā dījiye varna motī zamīñ par bikhar jā.eñge