Tags-Gham

ġham kī talḳhī mujhe nashsha nahīñ hone detī
ye ġhalat hai ki tirī chiiz purānī kam hai

ġham uThātā huuñ ġhazal kahtā huuñ jiitā rahtā huuñ
log kahte haiñ ki ik din 'mīr' ho jā.ūñgā maiñ

ek hañgāme pe mauqūf hai ghar kī raunaq
nauha-e-ġham hī sahī naġhma-e-shādī na sahī

na ratjagoñ ke haiñ charche na koī ġham kā alaao
sambhal ke aa.e zarā ghar meñ Doltī huī raat

jis meñ ġham bhī the nihāñ kuchh dard bhī
ham ko vo āb-o-havā achchhī lagī

kaash daulat-e-ġham hī apne paas bach rahtī
vo bhī un ko de baiThe aisī maat khaa.ī hai

aa ġham-e-zindagī kahāñ hai tū
aarzū le rahī hai añgḌā.ī

phir vahī tīra-baḳhtiyāñ apnī
phir shab-e-ġham hai aur tanhā.ī

is gaam se us gaam tak zanjīr-e-ġham ke fāsle
manzil to kyā ham ko mile, chaltā rahe rastā tirā

ye mausam-e-gul garche tarab-ḳhez bahut hai
ahvāl-e-gul-o-lāla ġham-añgez bahut hai

mere adam meñ bhī baham thā sitam-e-azal kā ġham
pahle hī maiñ nazār thā aur satā rahe ho tum

bipat paḌī hai jinhoñ pe ġham kī jigar meñ ātish lagī alam kī
kahāñ hai tāqat unheñ sitam kī ki jin pe iitā itaab kiije

iltijā.eñ kar ke māñgī thī mohabbat kī kasak
be-dilī ne yuuñ ġham-e-nāyāb vāpas kar diyā

lazzat-e-ġham to baḳhsh dī us ne
hausle bhī 'adam' diye hote

ġham-e-insāñ ko siine se lagā lo
ye ḳhidmat bandagī se kam nahīñ hai

vahāñ pahuñch ke har ik naqsh-e-ġham parāyā thā
vo rāsta ki jahāñ hausla bhī haarā thā

use ḳhabar thī ki āshob-e-āgahī kyā hai
vo dard-o-ġham jise apnī zabāñ meñ kahtā thā

kuchh aur dhuup mire ġham kuchh aur ashk jhamā-jham
ghanā huā hai ye jañgal to shāmiyāna huā hai

jagat jagat mire jī ko junūñ uḌaa.e phire hai
tirī tarah tirā ġham āfat-e-zamāna huā hai

qaidī-e-ġham turbatoñ meñ aur un ko ye ḳhayāl
kāTne meñ ik shab-e-furqat ke mar jā.eñge kyā