Tags-Gham

kise batā.eñ ki kyā ġham rahā hai āñkhoñ meñ
har ek silsila dirham rahā hai āñkhoñ meñ

ye aur baat hai kuchh ġham jahāñ jahāñ na huā
hamāre haal kā charchā kahāñ kahāñ na huā

sunā rahe ho yuuñ vahshat meñ hāl-e-ġham jo 'azm'
huā vo nāla-e-dil dard kā bayāñ na huā

mire ġham-e-nihāñ meñ hai naved-e-ishrat-āfrīñ
bahār hī bahār hai mirī ḳhizāñ liye hue

nahīñ hai vasl magar ḳhvāb-e-vasl bhī hai bahut
zarā sī der ġham-e-hijr se farāġh to hai

tujh se bichhaḌ jaane kā ġham kuchh ḳhaas nahīñ ham ko
ek na ik din khoT hamārī zaat meñ aanā thā

mujhī ko baḳhsh diye kul jahān ke ālām
ġham-e-jahāñ ke liye koī dūsrā na milā

tire ġham meñ jis se mizha tar karūñ huuñ
vo ik qatra hai qulzumistān kar ke

hujūm-e-ġham se yaañ tak sar-nigūnī mujh ko hāsil hai
ki tār-e-dāman o tār-e-nazar meñ farq mushkil hai

savār-e-ġham ravāñ haiñ khol do ishrat-kadoñ ke dar
ḳhabar kyā kaun añdhere kā thakā-hārā utar aa.e

damak uTThe mirī sub.hoñ meñ vo hañstā huā chehra
mirī rātoñ meñ un āñkhoñ kā ġham saarā utar aa.e

dam-e-sub.h bazm-e-ḳhush jahāñ shab-e-ġham se kam na thī mehrbāñ
ki charāġh thā so tū duud thā jo patañg thā so ġhubār thā

dil ḳhasta-lohū jo ho gayā to bhalā huā ki kahāñ talak
kabhū soz-e-sīnā se daaġh thā kabhū dard-o-ġham se figār thā

ye tumhārī in dinoñ dostāñ mizha jis ke ġham meñ hai ḳhūñ-chakāñ
vahī āfat-e-dil-e-āshiqāñ kaso vaqt ham se bhī yaar thā

na sāñsoñ meñ josh-e-numū kā talātum na marne ke ġham meñ gudāz-e-ta.allum
ye jiinā bhī hai koī jiine meñ jiinā hayāt-āfrīnā hayāt-āfrīnā

dil thā ki ġham-e-jāñ thā
maiñ ḳhud se pashemāñ thā

be-ḳhud the ġhash the mahv the duniyā kā ġham na thā
jiinā visāl meñ bhī to hijrāñ se kam na thā

dil kā kyā ġham hameñ mohabbat meñ
dil kī vo dekh-bhāl karte haiñ

ġham kah rahā hai kaun hai mujhe se sivā aziiz
sab ke diloñ meñ raah kiye jā rahā huuñ maiñ

jis se mirā sukūn bhī dekhā nahīñ gayā
da.avā vo kar rahā hai tirā ġham-shanās huuñ