Tags-Gham

ilaaj is dil-e-dard-āshnā kā kyā kiije
ki tiir ban ke jise harf-e-ġham-gusārī lage

tamām hote haiñ dekh jā.ūñ jamāl aa ke hameñ dikhāo
tumhāre ġham meñ laboñ pe dam hai koī ghaḌī meñ qazā kareñge

dard-o-ġham ke qāfile kā zikr hai
ashk kī mauj-e-ravāñ kī baat hai

ġham-e-daurāñ bhī nahīñ hai ġham-e-jānāñ bhī nahīñ
saḳht mushkil meñ hai ab dil ki ġham-e-jāñ bhī nahīñ

zahe soz-e-ġham-e-ādam ḳhushā sāz-e-dil-e-ādam
isī ik sham.a kī lau ne jahān-e-tīrgī badlā

dil kī ḳhalish to saath rahegī tamām umr
dariyā-e-ġham ke paar utar jaa.eñ ham to kyā

dil ke māroñ kā na kar ġham ki ye andoh-nasīb
zaḳhm bhī dil meñ na hotā to karāhe jaate

dī na mohlat hameñ hastī ne vafā kī varna
aur kuchh din ġham-e-hastī se nibāhe jaate

tabassum meñ bhī dil ġham kī jhalak pahchān letā hai
ye dard-o-ġham azal se rahne vaale haiñ isī ghar ke

dam-ba-ḳhud kyuuñ hai ḳhizāñ kī saltanat
koī jhoñkā koī mauj-e-ġham chale

ġham kā relā zehn hī ko le uḌā hai
sochiye to āñdhiyoñ kī kyā kamī hai

rotā hai koī kisī ke ġham meñ
sab apne hī dukh bichārte haiñ

us ḳhud-ārā ke rahā haath meñ nit ā.īna
ġham se ā.īna-dil haa.e na tū TuuT gayā

duniyā kī kashākash meñ phañs kar dil-e-ġham se bachānā paḌtā hai
murjhā.ī huī kaliyoñ ko yahāñ hañs hañs ke khilānā paḌtā hai

āġhāz-e-ishq umr kā anjām ho gayā
nākāmiyoñ ke ġham meñ mirā kaam ho gayā

maze ke saath hoñ andoh-o-ġham to kyā kahnā
yaqīñ na ho to kare koī imtihāñ apnā

sirhāne bebasī rotī rahī hai
shab-e-ġham zindagī rotī rahī hai

shab-e-ġham sāneha kyā ho gayā thā
bahr-sū chāñdnī rotī rahī hai

chāñdnī-rāt kī mahkī huī tanhā.ī meñ
sāz-e-ġham par koī gaatā hai to ro lete haiñ

koī anjān masīhā koī ġham kā sāthī
qissa-e-dard sunātā hai to ro lete haiñ