Tags-Gham

palak palak sail-e-ġham ayaañ hai na koī aahaT na koī halchal
kasak ye kaisī darūn-e-jāñ hai na koī aahaT na koī halchal

ḳhushī ke ba.ad ik tū hī nahīñ hai mubtalā-e-ġham
yūñhī akasr jahāñ meñ ai dil-e-nāshād, hotā hai

nayan meñ ḳhuuñ bhar aayā dil meñ ḳhār-e-ġham chhupā shāyad
huā is dam vo teġh-abrū kisī se āshnā shāyad

ḳhalish-e-ḳhār ho vahshat meñ ki ġham TuuT paḌe
par phaphūloñ meñ ilāhī na mire phuuT paḌe

dam nikal jaa.e ḳhafā ho ke ġham-e-kākul meñ
jo paḌe halq meñ phandā vo galā ghuuT paḌe

baare duniyā meñ raho ġham-zada yā shaad raho
aisā kuchh kar ke chalo yaañ ki bahut yaad raho

dil kī vīrānī ne itnā zauq-e-samā.at badlā hai
ġham kī lai meñ Dhal jaatā hai naġhma ḳhud shahnā.ī kā

rañj-o-ḳhushī 'sartāj' baham haiñ ye duniyā kī mahfil hai
ġham kī tāneñ kahīñ pe jāgeñ shor kahīñ shahnā.ī kā

mire sher anmol la.al-o-gohar haiñ
luTā.e tire ġham ne kyā kyā ḳhazāne

shām-e-ġham kī hazār-hā shāmeñ
mere jām-e-sifāl meñ gum haiñ

koī pūchhe mere ġham-ḳhvāroñ se tum ne kyā kiyā
ḳhair us ne dushmanī kī dostī ke naam par

ik silsila havas kā hai insāñ kī zindagī
is ek musht-e-ḳhāk ko ġham do-jahāñ ke haiñ

ḳhirad DhūñDhtī rah ga.ī vajah-e-ġham
mazā ġham kā dard āshnā le gayā

is tabassum ko mire dukh kī alāmat na samajh
ye kisī ġham kā labāda ho zarūrī to nahīñ

haañ hisāb-e-ġham-e-daurāñ to bahut mushkil hai
aur phir us kā i.aada ho zarūrī to nahīñ

aish se kyuuñ ḳhush hue kyuuñ ġham se ghabrāyā kiye
zindagī kyā jaane kyā thī aur kyā samjhā kiye

ġham-e-hayāt bhī āġhosh-e-husn-e-yār meñ hai
ye vo ḳhizāñ hai jo Duubī huī bahār meñ hai

shikast-e-hausla-e-zabt-e-ġham mujhe manzūr
chale bhī aao ki dil kab se intizār meñ hai

zarā thame the ki phir ho ga.e ravāñ aañsū
jo ruk ga.ī thī vo ġham kī barāt chalne lagī

yahī rahā hai bas ik dil ke ġham-gusāroñ meñ
Thahar Thahar ke jo aañsū palak tak aatā hai