Tags-Gham

aah vo shiddat-e-ġham hai ki mirī āñkhoñ se
būñd-do-būñd nahīñ ek samundar aayā

maiñ vasl kī shab raqs-e-ġham-āmez karūñgī
ik dard mirā ham-shab-e-bedār huā hai

tū 'alī' kyuuñ udaas baiThā hai
ġham ko dil se nikāl hañste haiñ

āzmā.eñge ġham-e-hijr kā ik aur ilaaj
kar ke sahrā meñ kuchh ayyām basar ā.eñge

zulf-o-ruḳh-e-sanam ke ġham meñ sadā rahe ham
guzrā hamesha yuuñ hī lail-o-nahār apnā

ek dil meñ saikḌoñ ġham kā hujūm
phir bhī us ghar kī na vīrānī ga.ī

'shāhid' jinheñ ḳhabar hai rumūz-hayāt kī
rakhte nahīñ hisāb ġham-e-be-hisāb kā

aaj bhī ḳhār-zār-e-ġham ḳhuld-e-barīñ mire liye
aaj bhī rah-guzār-e-ishq mere liye hai kahkashāñ

yuuñ bhī ġham o nashāt kā qissa na ho tamām
insān Dhal ke yaas ke paikar meñ rah ga.e

maiñ jāgūñgā kab tak vo so.eñ ge tā-kai
kabhī chīḳh uTThūñgā ġham sahte sahte

mirī naav is ġham ke dariyā meñ 'sāqib'
kināre pe aa hī lagī bahte bahte

kisī ke dil par dastak dūñgā kisī ke ġham kā dukhḌā huuñ
sunñe vaale samajh rahe haiñ naġhma huuñ farmā.ish kā

nādārī daftar bhuuk aur ġham
un sapnoñ se Takrāte rahe

ki us ke hañsne kā andāz ye batātā hai
huī nahīñ hai ġham-e-dil se rasm-o-rāh abhī

juuñ sharar-e-kāġhaz-e-ātish-zada
shām-e-ġham apnī maiñ sahar kar gayā

ye ġham kā rañg ye āb-e-malāl āñkhoñ meñ
azā kā jaise ho aks-e-hilāl āñkhoñ meñ

rahm ham-āfat-rasīdoñ par jo kartā āsmān
saañs lene kī hujūm-e-ġham meñ mohlat māñgtā

nashāt-e-zindagī meñ Duub kar aañsū nikalte haiñ
sunā hai ab tire ġham ke na.e pahlū nikalte haiñ

dard-e-kaunain se labrez hoñ jin ke dāman
vo mire ġham ke ḳharīdār nahīñ hone ke