Tags-Gham

yahī hai rasm-e-jahān-e-fānī isī meñ kaTtī hai zindagānī
kabhī hai sāmān-e-aish-o-rāhat kabhī hujūm-e-ġham-o-alam hai

na thā dil hamārā kabhī ġham se vāqif
magar ab huā aap ke dam se vāqif

sunā.e rakhtā huuñ sab ko mirī vasiyyat hai
ki tā isī pe amal mere ġham-gusār kareñ

jagah miltī nahīñ jis ko shab-e-ġham mahshar-e-dil meñ
vo hañgāma lab-e-ḳhāmosh meñ ābād hotā hai

aisā bhī koī ġham hai jo tum se nahīñ paayā
aisā bhī koī dard hai jo dil meñ nahīñ hai

ek vahshat hai ki hotī hai achānak taarī
ek ġham hai ki yakāyak hī ubal paḌtā hai

ġham chhupā.e nahīñ chhuptā hai karūñ kyā 'irfān'
naam luuñ us kā to āvāz meñ bal paḌtā hai

ye bahut ġham kī baat ho shāyad
ab to ġham bhī gañvā chukā huuñ maiñ

haal hai ik ajab farāġhat kā
apnā har ġham manā chukā huuñ maiñ

afsāna-e-ġham tavīl hai dost
is baat ko muḳhtasar kareñge

ġham-zado dā.era-e-ġham se nikal kar dekho
dard se dard kā ehsās baḌā hotā hai

dukh ko samt-shanāsā.ī dī ġham ke qurbat-dāroñ ne
dil dhārā dariyā mil kar bahra-mand huā

ġham kyā mutahammil jo nahīñ merī nazar ke
vo mere tasavvur se to pardā nahīñ karte

miTā diye the sabhī harf ġham kī bārish ne
ajiib haal mirī ziist kī kitāb kā thā

is haqīqat ko samajhne meñ luTāyā kyā kuchh
merā dushman mirā ġham-ḳhvār nahīñ ho saktā

'soz' ġham-e-jānāñ hī to hai
ahl-e-mohabbat kī jāgīr

'mohsin' barahna-sar chalī aa.ī hai shām-e-ġham
ġhurbat na dekh is pe sitāroñ kī shaal kar

be-khabar-e-hayāt thā ġham ne mujhe jagā diyā
ziist kā raaz khol kar maut kā aasrā diyā

zulf-e-siyah kī yaad meñ ḳhauf-e-pas-e-fanā kahāñ
tūl-e-shab-e-firāq ne sub.h kā ġham miTā diyā

talḳh to thā ġham-e-hayāt itnā na talḳh thā magar
pūchh ke tum ne hāl-e-dil zahr mujhe pilā diyā