Tags-Gham

hamārī jaan pe girtī hai barq-e-ġham zālim
tujhe to sahl sā hai shaġhl muskurāne kā

aap ke ġham ne tan-e-zār meñ chhoḌā kyā hai
malak-ul-maut kā ye mujh se taqāzā kyā hai

aish-e-imroz pe ḳhush haiñ ġham-e-fardā kyā hai
maut aa jaa.e to mar jā.eñge jhagḌā kyā hai

ik na ik fikr lagī rahtī hai har dam mujh ko
fikr-e-duniyā meñ paḌā huuñ ġham-e-uqbā kyā hai

ġham-e-ulfat kī tavāzo.a kī jigar hai maujūd
aur maqdūr merā is se ziyāda kyā hai

un kī nigāh-e-lutf hai 'ārif' kī zindagī
kyā ġham agar hayāt meñ shāmil fareb hai

ham jo sho.ala-e-jāñ kī lau na tez kar dete
aaj ġham kī rāhoñ meñ kitnī tīrgī hotī

ek muddat huī us ko ro.e hue ek arsa huā muskurā.e hue
zabt-e-ġham kā ab aur us se va.ada na ho varna bīmār kā dam nikal jā.egā

dil meñ taaza ġham-e-āshiyāñ hai abhī mere nāloñ se barham na sayyād ho
dhīre dhīre ye aañsū bhī tham jā.eñge rafta rafta ye dil bhī bahal jā.egā

karnā hai apne ġham kā izāla bhī ḳhud hameñ
bārish na hogī amn kī ab āsmān se

jo hujūm-e-ġham se hai aañkh nam to laboñ pe naale haiñ dam-ba-dam
use kis tarah se chhupā.eñ ham kahīñ rāz-e-ishq chhupā bhī hai

sail-e-ġham aañkh ke parde meñ nihāñ rakhte haiñ
nā-tavāñ bhī tire kyā tāb-o-tavāñ rakhte haiñ

ġham-e-zamāna se fursat to mil bhī saktī thī
tumhārī yaad se lekin farāġh hī na milā

tum us se pūchhte ho lazzat-e-ġham-e-hijrāñ
ġham-e-hayāt se jis ko farāġh hī na milā

rivāyatoñ ke tilismāt toḌ kar ye khulā
ġham-e-zamāna koī jaur-e-āsmāñ bhī na thā

muāmalāt ġham-e-dostī salāmat-bāsh
vo e'tibār ki andesha-e-gumāñ bhī na thā

maiñ to bhūlā nahīñ tum bhuul ga.ī ho mujh ko
ḳhair gar tum bhī nahīñ ho mire ġham-ḳhvāroñ meñ

soz-e-ġham bhī nahīñ fuġhāñ bhī nahīñ
jal bujhī aag ab dhuāñ bhī nahīñ

kal raat kuchh ajiib samāñ ġham-kade meñ thā
maiñ jis ko DhūñDhtā thā mire aa.ine meñ thā

tumhārī chāhat kī chāñdnī se har ik shab-e-ġham sañvar ga.ī hai
sunahrī poroñ se ḳhvāb-reze sameTtī har sahar ga.ī hai