Tags-Gham

koī to ġham-gusār thā koī to dost thā
ab kis ke paas jaa.eñ ki vīrāna chhuT gayā

koī aa ke hameñ DhūñDegā to kho jā.egā
ham na.e ġham meñ purāne se bahut aage haiñ

Tapakte haiñ shab-e-ġham dil ke TukḌe dīda-e-tar se
sahar ko kaise kaise phuul chuntā huuñ maiñ bistar se

milī hai dekhiye ye sub.h-e-hashr se jā kar
lahad kī raat na thī shām-e-ġham hamārī thī

nahīñ haiñ ham to chamaktā hai subah kā taarā
ye raat vo thī jo bīmār-e-ġham pe bhārī thī

jahāñ ke aish-o-ġham-e-rozgār dekh chuke
jo dekhtā thā so parvardigār dekh chuke

use maiñ talāsh kahāñ karūñ vo uruuj hai maiñ zavāl huuñ
ġham-e-mustaqil mirā hal kahāñ vo javāb hai maiñ savāl huuñ

kabhī khil ga.ī jo koī kalī to payām-e-shauq galī galī
kabhī aa ga.ī jo havā-e-ġham to maiñ gard-e-bād-e-malāl huuñ

maiñ ḳhud musāfir-e-dil huuñ use na rokuñgī
vo ḳhud Thahar na sakegā jo qaidī-e-ġham hai

tarab ke maḳhmase ġham ke jhamele
dil-e-nādāñ ne lākhoñ khel khele

ġham-e-daurāñ se utnī baar haare
ġham-e-jānāñ se jitnī baar khele

ham ne tumhāre ġham ko haqīqat banā diyā
tum ne hamāre ġham ke fasāne banā.e haiñ

dil meñ mātam-kunāñ hai halqa-e-ġham
tere jaane kī soz-ḳhvānī hai

thā hī ġham-e-firāq milā us meñ dard-e-rashk
muflis ke ghar meñ aayā ye mehmān dūsrā

hañgāma-e-ġham se tañg aa kar iz.hār-e-masarrat kar baiThe
mash.hūr thī apnī zinda-dilī dānista sharārat kar baiThe

koshish to bahut kī ham ne magar paayā na ġham-e-hastī se mafar
vīrānī-e-dil jab had se baḌhī ghabrā ke mohabbat kar baiThe

chalā hai pahlū se yaar uTh kar ġham-e-judā.ī ko Tālte haiñ
kabhī to ham dil ko thāmte haiñ kabhī jigar ko sambhālte haiñ

na jāñ-ba-lab kyuuñ marīz-e-ġham ho pa.e-ayādat na aa.e dekho
masīh kahte haiñ log jin ko vo jaan kar maar Dālte haiñ

dasht-e-ġham ke sannāTe meñ
vo bhī tanhā tanhā hogā

ek ġham chalā gayā dūsre ne aa liyā
silsile shitāb haiñ ratjagoñ ke darmiyāñ