Tags-Gham

maiñ ek sadī ba.ad kā ġham dekh rahā thā
aur saath hī din raat ke ālām paḌe the

maiñ bārgah-e-husn se māyūs na aatā
ġham hai vale taqdīr meñ maġhmūm rahā huuñ

tarjumānī-e-ġham-e-zīst kā mausam bhī nahīñ
sho.ala-e-ġham bhī nahīñ mauj-e-tabassum bhī nahīñ

tāb-e-zabt-e-ġham ne bhī de diyā javāb āḳhir
un ke dil se uThtā hai aaj e'tibār apnā

ġham hī jī kā dushman thā ġham se duur rahte the
ġham hī rah gayā āḳhir ek ġham-gusār apnā

guzre dinoñ kā ruup thī is rut kī dhuup bhī
so is baras bhī ġham kā mudāvā nahīñ huā

kyā kahūñ kyā mirī hālat huī sun kar ye payām
kuchh tumheñ merī judā.ī kā bhī ġham hai ki nahīñ

darmiyān-e-dil o gulzār-e-hayāt
ġham kī dīvār uThā dī ham ne

har kaḌī raah meñ har manzil par
tere hī ġham ko sadā dī ham ne

jab tujhe bhūlnā chāhā dal ne
ik na.e ġham kī sazā dī ham ne

naujavānī meñ ajab dil kī lagī hotī hai
ġham ke sahne meñ bhī insāñ ko ḳhushī hotī hai

ġham-e-daurāñ ne ġham-e-dil kā sukūñ chhīn liyā
ab tire pyaar meñ bhī pyaar ke andāz nahīñ

rasm-e-duniyā ko nibhāte jā.iye
ġham ko siine se lagāte jā.iye

rauñdeñ to ye kaliyāñ nīsh-e-balā chūmeñ to ye sho.ale phuul
ye ġham ye kisī kī den bhī hai in.aam ajab in.aam

rah rah ke jiyāle rāhiyoñ ko detā hai ye kaun āvāz
kaunain kī hañstī muñDeroñ par tum ho ki ġham-e-ayyām

hai ye to yaqīñ badlegā andāz-e-zamāna
filhāl to ham shiddat-e-ġham dekh rahe haiñ

dard kam hone lagā aao ki kuchh raat kaTe
ġham kī mī.ād baḌhā jaao ki kuchh raat kaTe

vo tarab-zār dil-e-qasr-e-ġham
rāt-bhar jāgtī āgahī ya.anī

ajiib ġhamnāk haiñ havā.eñ lahū lahū hai fazā-e-gañgā
taḌaptī maujeñ shikasta kashtī bujhe diye aur habāb raushan

rotā hai koī kisī ke ġham meñ
sab apne hī dukh bichārte haiñ