Tags-Gham

aaj shab-e-ġham raas aa.e to apnī baat bhī rah jaa.e
andhiyāre kī kokh meñ yuuñ to pahle sūraj paltā thā

gar faroġh-e-ruḳh-e-jānāna madad-farmā ho
ġham-e-kaunain se ho jaave vahīñ dil ko farāġh

bhale lambī ho ġham kī raat kitnī
koī bhī raat rahtī hai sahar tak

na parda kholiyo ai ishq ġham meñ tū merā
kahīñ na sāmne un ke ho zard rū merā

ranj-o-ġham kī vo ravānī na rahī dil meñ mire
dil dukhegā to batā dil se duā kaise kareñ

tum to ai mehrbān anūThe nikle
jab aan ke paas baiThe rūThe nikle

jo bujhī sham-e-dil to baḌhī raushnī jo piyā zahr-e-ġham to baḌhī zindagī
ye tū hī ab batā zarā munsifī ye tirā kaam thā ki mirā kaam thā

hayāt-e-ġham nishāñ hai aur maiñ huuñ
musalsal imtihāñ hai aur maiñ huuñ

zehn rahtā hai badan ḳhvāb ke dam tak us kā
phir vahī rañj vahī ḳhema-e-ġham tak us kā

ik zaḳhm ki sab zaḳhm bhulā Daale haiñ jis ne
ik ġham ki jo tā-umr bhulāne ke liye hai

ummīd ki lau jaagā ġham-e-dil kā nasība
lo shauq kī tarsī huī shab ho ga.ī āḳhir

na bīm-e-ġham hai ne shādī kī ham ummīd karte haiñ
qalandar haiñ jo pesh aa jaa.e sab kuchh diid karte haiñ

bas tire ġham kī ġham-gusārī hai
aur kyā shā.erī hamārī hai

bhūlā huā phirtā hai dil apnī haqīqat ko
le ai ġham-e-hastī le ik mahv-e-majāz aayā

ham un ko bhūlne vaale nahīñ haiñ
samajhte haiñ ġham-e-daurāñ kī chāleñ

kuchh terī judā.ī kī aziyyat bhī kaḌī thī
kuchh dil ne bhī ġham terā manāyā nahīñ itnā

kyā jāniye haiñ kab se jigar soḳhta magar
insāñ ke ġham-gusār haiñ mere yahāñ ke log