Tags-Gham

de kar naved-e-naġhma-e-ġham sāz-e-ishq ko
TuuTe hue diloñ kī sadā ho ga.e ho tum

tum usī ko vaj.h-e-tarab kaho ham usī ko bā.is-e-ġham kaheñ
vahī ik fasāna-e-ishq hai kabhī tum kaho kabhī ham kaheñ

vahī dil-ḳharāsh sī ik nazar jo ba-qadr-e-zauq hai neshtar
use koī tarz-e-sitam kahe ham adā-e-pursish-e-ġham kaheñ

hama-ārzū hama-be-ḳhudī hama-bandagī hama-be-kasī
yahī chand lamhoñ kī zindagī ise kyuuñ na fursat-e-ġham kaheñ

maiñ kyā kahūñ ki tirī chashm-e-iltifāt nahīñ
hayāt-e-shauq pe taarī ġham-e-hayāt nahīñ

ġham-e-davām-e-mohabbat hai tishna-e-ma.anī
fanā ke ba.ad agar manzil-e-hayāt nahīñ

tum se ab kyā kaheñ vo chiiz hai dāġh-e-ġham-e-ishq
ki chhupā.e na chhupe aur dikhā.e na bane

ġham jo pyāre se mile kyuuñ na ho vo bhī pyārā
bhūlnā bhī use chāheñ to bhulā.e na bane

zarā se ġham ke liye jaan se guzar jaanā
mohabbatoñ meñ zarūrī nahīñ hai mar jaanā

ye jo bachche haiñ zeyabetis ke ġham meñ mubtalā
yā ilāhī in kī gaaḌī umar kī aise chalā

hamārā dil to ġham meñ bhī ḳhushī mahsūs kartā hai
vahī mushkil meñ rahte haiñ jo ġham ko ġham samajhte haiñ

pā-shikasta ġham-e-vāmāndagī-r-rāh na kar
paas aane ko tire ḳhud koī manzil se uThā

ishq meñ chheḌ huī dīda-e-tar se pahle
ġham ke bādal jo uThe to yahīñ par se pahle

ḳhudā jaane ye ab kyā ho gayā ham bad-nasīboñ ko
ki tere ġham kī lazzat bhī na raas aa.ī ka.ī din se

qayāmat se nahīñ kam furqat-e-ahbāb kā ġham bhī
dil-e-muztar ko rotī hai shakebā.ī ka.ī din se

aa.e haiñ ham jahāñ meñ ġham le kar
dil-e-pur-ḳhūñ o chashm-e-nam le kar

ġham nahīñ kuchh bhī agar barsoñ kā yārāna gayā
kis ko kitnā pyaar hai ye bhī to pahchānā gayā

ġham ke rishtoñ ko kabhī toḌ na denā 'vālī'
ġham ḳhayāl-e-dil-e-nā-shād bahut kartā hai

saarī duniyā ke ranj-o-ġham de kar
muskurāne kī baat karte ho

sabr se tum ne agar kaam liyā hotā 'riyāz'
ġham ke peḌoñ pe masarrat ke samar bhī aate