Tags-Gham

ta.ayyun ġham-e-ishq kā chāhtā huuñ
unheñ chāhtā huuñ ye kyā chāhtā huuñ

koī vaj.h-e-taskīñ nahīñ ġham na rāhat
ḳhudā jaane 'fānī' maiñ kyā chāhtā huuñ

kise dimāġh junūñ kī mizāj-pursī kā
sunegā kaun guzartī hai shām-e-ġham jaise

har martaba aatā hai mah-e-nau kī tarah tū
is baar zarā merī shab-e-ġham kī tarah aa

maiñ ba-dastūr jalūñgā ye na hogī 'muztar'
merī sāthī shab-e-ġham sham-e-sahar hai bhī to kyā

mere laboñ pe DhūñDte guzrī tumhārī umr
iz.hār-e-ġham to dīda-e-namnāk meñ rahā

phāḌā hai us ke ġham ne garebāñ ko is tarah
bas ek taar dāman-e-sad-chāk meñ rahā

ḳhushī kā ġham jinheñ hotā hai samjho ġham-nasīb un ko
jinheñ ġham kī ḳhushī hotī hai un ko ġham nahīñ hotā

yahī vo vaqt hai jab aadmī ko hosh aatā hai
ḳhudā kī yaad se ġhāfil Dil-e-pur-ġham nahīñ hotā

koī miltā hai jab rāh-e-talab meñ rahbar-e-kāmil
to ham ko dūrī-e-manzil kā bhī kuchh ġham nahīñ hotā

ġham-e-mohabbat meñ dil ke dāġhoñ se rū-kash-e-lāla-zār huuñ maiñ
fazā bahārīñ hai jis ke jalvoñ se vo harīf-e-bahār huuñ maiñ

agar tū ḳhafā ho to parvā nahīñ
tirā ġham ḳhafā ho to mar jā.ūñ maiñ

ham ne hī mahr ko zahr se badlā varna zamīñ kī gardish ne
din ġham-ḳhvār banāyā thā aur shab dildār banā.ī thī

sochte rahnā yahī ġham-ḳhvār se ho kar alag
koī tanhā rah gayā 'ansār' se ho kar alag

duniyā badal ga.ī thī koī ġham na thā mujhe
tum bhī badal ga.e the ye hairānī khā ga.ī

ek dard-e-judā.ī kā ġham kyā kareñ
kis maraz kī davā hai tire shahr meñ

tārīkiyoñ meñ vaqt kī raftār kho ga.ī
ye shām-e-ġham hai yā tirī zulf-e-darāz hai

na pūchho jaan par kyā kuchh guzartī hai ġham-e-dil se
qarār aanā kahāñ kā saañs bhī aatī hai mushkil se

nahīñ ishq meñ is kā to ranj hameñ ki qarār o shakeb zarā na rahā
ġham-e-ishq to apnā rafīq rahā koī aur balā se rahā na rahā

ġham-e-jahāñ ho ruḳh-e-yār ho ki dast-e-adū
sulūk jis se kiyā ham ne āshiqāna kiyā