Tags-Gham

rū-ba-rū un ke kahāñ thī fursat-e-iz.hār-e-ġham
lab ko ik jumbish barā.e naam ho kar rah ga.ī

maiñ jiitā huuñ ā.īnoñ meñ
ā.īne ġham-ḳhāne haiñ

ek do sajde zarā shahr-e-nigārāñ kī taraf
ai ġham-e-hastī Thahar chaltā huuñ tere saath maiñ

jo bad-qismat tire ġham kī masarrat se haiñ nā-vāqif
vo kyā jāneñ kise kahte haiñ dil kā shādmāñ honā

vasl hī us kā davā hai mirī bīmārī ko
aur kuchh karte haiñ tadbīr ye ġham-ḳhvār abas

maiñ vatan meñ rah ke bhī be-vatan ki nahīñ hai ek bhī ham-suḳhan
hai koī sharīk-e-ġham-o-mehan to vo ik nasīm-e-shumāl hai

yahī dād-e-qissa-e-ġham milī ki nazar uThī na zabāñ milī
faqat ik tabassum-e-sharmagī mirī be-kasī kā ma.aal hai

vo ḳhushī nahīñ hai vo dil nahīñ magar un kā saaya sā ham-nashīñ
faqat ek ġham-zada yaad hai faqat ik fasurda ḳhayāl hai

kahīñ kis se 'aḳhtar'-e-be-navā hameñ bazm-e-dahr se kyā milā
vahī ek sāġhar-e-zahr-e-ġham jo harīf-e-nosh-e-kamāl hai

ġham kā sūraj to Dūbtā hī nahīñ
dhuup hī dhuup hai kidhar jaa.eñ

taskīn-e-ġham-e-dil ke liye jiitā huuñ
jiitā bhī nahīñ, chāk-e-jigar siitā huuñ

razā-e-dost par qurbān jis kī har ḳhushī hotī
haqīqat meñ usī kī ġham se ḳhālī zindagī hotī

husūl-e-dard-o-ġham kī koshishoñ meñ gar kamī hotī
surūr-o-kaif kī lazzat kahāñ mujh ko milī hotī

janāb kyuuñ udaas haiñ janāb kyuuñ malūl haiñ
ye ġham to haiñ mire liye janāb ke liye nahīñ

jo ġham uThā chukā hai to unheñ na ab shumār kar
ye muḳhtasar sī zindagī hisāb ke liye nahīñ

allāh re shām-e-ġham mire dil kī shikastagī
tāroñ kā TūTnā bhī mujhe nāgavār thā

ḳhushī kā kyā ḳhushī meñ chāhe kuchh taḳhfīf kar do
matā-e-ġham ziyāda se ziyāda chāhtā huuñ

hazār hādsāt-e-ġham ravāñ-davāñ liye hue
kahāñ chalī hai zindagī kashāñ kashāñ liye hue

jis ahd-e-siyāsat ne ye zinda zabāñ kuchlī
us ahd-e-siyāsat ko marhūm kā ġham kyuuñ hai

ye bādal ġham ke mausam ke jo chhaT jaate to achchhā thā
ye phailā.e hue manzar simaT jaate to achchhā thā