Tags-Gham

pāband-e-ġham-e-ulfat hī rahe go dard-e-dahindāñ aur sahī
ashkoñ kī ravānī tham na sakī āñkhoñ ke the armāñ aur sahī

is dasht-e-vafā meñ qais bhī hai aur shaiḳh bhī hai mushtāq-e-milan
jo vasl nahīñ to kyā ġham hai kuchh lamhe ibārāñ aur sahī

ik gul jo girā barnā.ī meñ bulbul ko yahī afsos rahā
mashġhūl rahā ġham-ḳhvārī meñ hoñ fasl-e-bahārāñ aur sahī

kuchh aap kā ġham kuchh ġham-e-jāñ kuchh ġham-e-duniyā
dāman meñ mire phuul bhī haiñ ḳhaar bhī ḳhas bhī

yahāñ apnī paḌī hai tujh se ai ġham-ḳhvār kyā uljhūñ
ye kaun ārām hai mar jā.ūñ tab ārām aa.egā

jab zamāne kā ġham uThā na sake
ham hī ḳhud uTh ga.e zamāne se

manzil-e-dil se to guzre hue din biit ga.e
kārvān-e-ġham-e-jānāñ hai rag-e-jāñ ke qarīb

ġham-zada log sochte hoñge
zindagī se najāt mil jaa.e

ġham-e-hayāt ne fursat na dī Thaharne kī
pukārtī hī rahī haiñ mujhe sadā āñkheñ

ab un kā ġham bhī apnā ġham hai 'rizvān'
udhar kā haal idhar hai aur maiñ huuñ

haañ ai ġham-e-ishrat-e-guzishta
ik fursat-e-ḳhvāb chāhtā huuñ

'shor' dāmān-e-ġham ho gayā taar taar
har masarrat kī baḳhiya-garī rah ga.ī

bahut dushvār samjhānā hai ġham kā
samajh lene meñ dushvārī nahīñ hai

bahut tavīl mirī dāstān-e-ġham thī magar
ġhazal se kaam liyā muḳhtasar banāne kā

unheñ duniyā ab ashk-e-ġham kahe yā ḳhuun kī būñdeñ
mohabbat ne charāġh āñkhoñ meñ lā kar rakh diye dil se

ġham-e-hayāt o ġham-e-dost kī kashākash meñ
ham aise log to rañj-o-malāl se bhī ga.e

gul o samar kā to ronā alag rahā lekin
ye ġham ki farq-e-harām-o-halāl se bhī ga.e

marīz-e-ġham kī hālat dekhne vaale ye kahte haiñ
ki be-hoshī meñ bhī lab par tumhārā naam dekhā hai

phir dekh ki ye duniyā kaisī nazar aatī hai
'mushtāq' mai-e-ġham meñ thoḌā sā milā paanī

vo nahīñ paas to ehsās-e-rifāqat hai sivā
ġham-e-tanhā.ī ke zindāñ meñ maiñ tanhā bhī nahīñ